Korrupsiya so‘nggi yillarda xalqaro miqyosda transmilliy jinoyat sifatida keng muhokama qilinayotgan mavzulardan biridir.
Mamlakatimizda korrupsiyaga qarshi kurashish hamda ushbu turdagi jinoyatlarni sodir etilishining oldini olishga qaratilgan kompleks chora-tadbirlar tizimli ravishda amalga oshirilmoqda.
Shuni alohida aytish joizki, korrupsiya yer yuzida mavjud barcha mamlakatlar taraqqiyotiga salbiy taʼsir etayotgani hech birimizga sir emas. Eʼtiborli jihati, jinoyatning bu turi uchun dunyo boʻylab jazo muqarrarligi taʼminlanmoqda. Korrupsiyaga qarshi kurash mexanizmini takomillashtirish, uning huquqiy asoslarini yaratish dunyo miqyosida xalqaro tashkilotlarning diqqat markazida.
Prezidentimizning PQ-2752–son “Korrupsiyaga qarshi kurashish to‘g‘risida”gi qarori ijrosini ta’minlash va yoshlarda “Halollik vaksinasi” tushunchasini singdirish maqsadida joriy yilning 28-may kuni SamDUKF Biznesni boshqarish va axborot texnologiyalari fakultetida “Biz korrupsiyaga qarshimiz” shiori ostida korrupsiyaning oldini olish bo’yicha profilaktik tadbir bo‘lib o‘tdi.
Tadbirda Yoshlar masalalari va manaviy marifiy ishlar bo‘yicha dekan o‘rinbosari A.Jabborov, “Biznesni boshqarish”kafedrasi mudiri J.Maxmudov va talabalar ishtirok etishdi.
Tadbirda so’zga chiqqanlar PQ-2752-son Qarori hamda jinoyat kodeksining 210-moddasi “Pora olish”, 211-moddasi “Pora berish” va 212-moddalari “Pora olish-berishda vositachilik qilish” moddalarida aynan korrupsiya bilan bogʻliq jinoyatlar uchun javobgarliklar koʻzda tutilganligi tushuntirildi va pora olish, berish yoki vositachilik qilish uchun jinoiy javobgarlikning muqarrarligi haqida gapirib o‘tildi.Shuningdek, Konstitutsiya va korrupsiya haqida bir qancha qonunchilikda ko’rsatilgan qonun-qoidalar, korrupsion holat bo’lgan taqdirda unga beriladigan jazolar to’g’risida maʼlumot berildi
Korrupsiya holatlari talaba-yoshlarga nafaqat talabalik davrida balki butun hayoti davomida salbiy oqibatlarga olib kelishi bir necha misollar orqali tushuntirib o’tildi.
Tadbirda talabalar bu mavzuda oʻzlarini qiziqtirgan savollariga atroflicha javob oldilar.
