“Konstitutsiya haftaligi” doirasida bosh qomusimiz qabul qilinganligining 31 yilligi munosabati bilan Pedagogika va tillarni o‘qitish fakultetida “Кonstitutsiya-baxtimiz qomusi” mavzusida insholar tanlovi o‘tkazildi.
Tanlovda fakultetning deyarli barcha yo‘nalishlaridagi 30ga yaqin talabalar ishtirok etdi. Tanlov ishtirokchilari Konstitutsiyamizning mazmun-mohiyati, hayotimizda tutgan o‘rni va ahamiyati bo‘yicha bilimini namoyish etdi. Tajribali mutaxassislardan iborat hayʼat tomonidan eng yaxshi insholar mualliflari aniqlanib, rag‘batlantirildi.
Filologiya va tillarni o‘qitish o‘zbek tili yo‘nalishi 2-bosqich FT2209-guruh talabasi Sharofova Shaxrinozaning inshosi birinchi o‘ringa munosib ko‘rildi. Ikkinchi o‘ringa shu guruh talabasi Po‘latova Feruza, uchinchi o‘ringa esa shu yo‘nalish FT2210-guruh talabasi Turdiyeva Feruza sazovor bo‘ldi.