“Men sevgan asar” mavzusi bo‘yicha davra suhbati bo‘lib o‘tdi.

Joriy 18-23 aprel kunlari Axborot va ommaviy kommunikatsiyalar agentligi tomonidan O‘zbekiston bo‘ylab “Kitobsevar millat” shiori ostida II Respublika “Kitobxonlik haftaligi” bo‘lib o‘tmoqda.

Shu bois, Samarqand Davlat universiteti Kattaqo‘rg‘on filiali Biznesni boshqarish va axborot texnologiyalari fakulteti Axborot resurs markazi kutubxonasida “Men sevgan asar” mavzusi bo‘yicha davra suhbati bo‘lib o‘tdi.

Ushbu tadbirda jurnalistlar uyushmasi a’zosi,shoira F.Abdullaeva, shoira R.Olloyorova,ARM xodimlari, o’qituvchilar, yo‘nalish tyutorlari va talabalar ishtirok etdi.

Tadbirga tashrif buyurgan ijodkorlar mamlakatimizda aholini, ayniqsa, yoshlarni kitobxonlikka keng jalb qilish bo’yicha olib borilayotgan ishlar to’g’risida atroflicha so’z yuritib, talabalarni hamisha kitob bilan oshno tutinishga chaqirdi. Oʻz ijod namunalaridan o`qib berdi.

Talabalar o’zi qiziqtirgan asarlar haqida so’z yuritdilar,o’z fikr -mulohazalarini bildirdilar.

Talabalar tomonidan berilgan savollarga mehmonlar javoblar berishdi. Fakultet talabalari tomonidan  o’zi yozgan va turli adiblar qalamiga mansub she’rlar aytildi.

Yoshlar bilan ishlash, manaviy-maʼrifiy ishlar boʻyicha dekan oʻrinbosari A.Jabborov hamda fakultetning ARM xodimasi L.Nurillayevalar talabalarga kutubxonadagi kitoblar haqida kerakli ma’lumotlarni berdilar.