Samarqand davlat universitetining Kattaqo‘rg‘on filiali Pedagogika va tillarni o‘qitish fakulteti talabalari Respublika “Kitobxonlik haftaligi”  doirasidagi tadbirlarda faol ishtirok etishmoqda.

Bugungi kunda kitobxonlikni keng targʻib etish, yoshlarni badiiy asarlarni mushohada etishga chorlash hamda bu orqali asriy anʼanalarimizni saqlagan holda, maʼnaviyatimiz va madaniyatimizga hissa qoʻshish har bir avlodning burchidir.

Samarqand davlat universitetining Kattaqo‘rg‘on filialida “Kitobxonlik haftaligi”  doirasida “Kitob – ilmga yitaklovchi yo’l” mavzusida adabiy-badiiy kecha bo‘lib o‘tdi.

Axborot-resurs markazi xodimlari tomonidan tashkil qilingan ushbu kechani Pedagogika va tillarni o‘qitish fakulteti ma’naviy va ma’rifiy ishlar bo‘yicha dekan o’rinbosari J.Abdurahmonov ochib berdi.

Kechada O‘zbekiston yozuvchilari uyushmasi a’zosi, shoira E.Shukurova, shoira R.Olloyorova, “Kattaqo‘rg‘on tongi” gazetasi tahririyati mas’ul kotibi H.Xushvaqtov, 02855-sonli harbiy qism kutubxonachisi N.Saidovalar, yo‘nalish tyutorlari va talabalar ishtirok etdi..

Tadbirda mehmonlar tomonidan yoshlar maʼnaviyatini yuksaltirishda kitoblarning oʼrni va ahamiyati haqida fiklar aytildi.Ijodkorlar tomonidan ijod namunalari oʼqildi.

Talabalar tomonidan berilgan savollarga mehmonlar javoblar berishdi. Fakultetning bir guruh ijodkor talabalari tomonidan  o’zi yozgan va turli adiblar qalamiga mansub she’rlar yangradi.

Fililialda hafta davomida bir qator tadbirlar, seminarlar, davra suhbatlari, treninglar o‘tkazish, jumladan, kitob ko‘rgazmalari, kutubxona bo‘ylab ekskursiyalar o‘tkazish rejalashtirilgan.