Ma’lumki, Navro‘z Sharq xalqlarining bahor bayrami sifatida ming yillar mobaynida insoniylik, mehr-muruvvat, mehnatsevarlik, sabr-toqat kabi qadriyatlarni namoyon etgan holda nishonlanadi.
Jumladan, Navro’z ayyomi munosabati bilan 18-mart kuni Kattaqo’rg’on shahrida “Olam nurga to‘lsin sen bilan, Navro‘z!” ezgu g’oyasi ostida Navro’z bayrami ko‘tarinki ruhda, xursandchilik kayfiyatda tantanali tarzda nishonlandi.
Ushbu tadbirda SamDU Kattaqo’rg’on filiali professor-o’qituvchilari hamda talabalari tomonidan milliy raqs va ashulalar, kelin salom va laparlar ijro etildi. Milliy kurash va sportning boshqa turlari, milliy liboslar va taomlar ko’rgazmasi hamshaharlarimiz e’tiboriga havola qilindi.
Kattaqo’rg’on shahar hokimi G.Alimova, filial direktori Sh.Urakov, shahrimizdagi muassasa va tashkilotlar rahbarlari va rahbar o’rinbosarlari ko’rgazmalar bilan tanishishdi.