Kattaqoʼrgʼon tumani “Yoshlik” istirohat bogʼida Respublika ishchi guruhining ommaviy sayyor qabuli boʼlib oʼtdi.
Sayyor qabul jarayonida Kattaqoʼrgʼon shahri va Kattaqoʼrgʼon tumani, Narpay hamda Paxtachi tumanlarining fuqarolari ishtirok etdilar.Qabulda viloyat hokimi E.Turdimov ishtirok etdi.
Shuningdek,aholi bilan toʼgʼridan-toʼgʼri muloqot qilish orqali ularning muammolari bilan ishlashni samarali tashkil etish, yechimini kutayotgan masalalarni oʼrgangan holda joyida va tezkor hal etish maqsadida vazirlik va idoralar, sektor rahbarlari, hududiy boshqarma va tashkilotlar rahbarlari ishtirokida oʼtkazilgan ushbu ommaviy sayyor qabul davomida fuqarolarning turli masalalar boʼyicha murojaatlari oʼrganildi.
Sayyor qabulida SamDU Kattaqo‘rg‘on filiali professor-o’qituvchilari hamda talabalar ham o’z taklif va murojaatlari bilan eshtirok etishdi.
Oliy va o‘rta maxsus ta’lim vazirligi Markaz boshlig‘i Fozilbek Farhodov va viloyatdagi barcha oliy ta’lim muassasalarining yoshlar masalalari va ma’naviy-ma’rifiy ishlar bo‘yicha prorektorlari ishtirokida o‘tkazilgan sayyor qabulda talabalarning muammo va murojaatlari tinglandi.
Har bir murojaat ijrosi tegishli mas’ul xodimlar ishtirokida ko‘rib chiqilib, hal etishga yo‘naltirildi.
Ushbu murojaatlari eshitilgan 6 nafar filial talabalaridan 2 nafarining muammosi joyida ijobiy hal etilib, 2 nafariga tushuntirish berildi va 2 nafarining yozma ravishda arizalri olinib, nazoratga olingan holda oʼrganilmoqda.
