“Doniyorbek” tadbirlar maskanida bo’lib o’tgan tadbirda nafaqat shahrimiz balki, qo‘shni tumanlar, viloyatdan kelgan mehmonlar, kattaqo‘rg‘onlik tadbirkorlar, idora va tashkilotlar vakillari, SamDU Kattaqo’rg’on filialining professor-o’qituvchilari hamda talabalari ishtirok etdi.
Festival 5 yoʼnalish boʼyicha oʼtkaziladi:
Shirinliklar va milliy xolvalar;
Tort va mahalliy pishiriqlar;
Sharbatlar va tabiiy ichimliklar;
Non va non mahsulotlari;
Milliy taomlar.
Tadbirda shahar hokimi Gavhar Alimova so‘zga chiqdi.
Shahar madaniyat bo‘limi san’atkorlarining musiqiy chiqishlari tadbirga ko‘tarinkilik bag‘ishladi.
Festival doirasida shahar Drama teatrining Kattaqo‘rg‘on shahri tarixini o‘zida aks etgan sahna ko‘rinishlari tadbir ishtirokchilari e’tiboriga havola etildi.
Festival tashkiliy qoʼmitasi va mehmonlar festival yoʼnalishlari boʼyicha tayyorlangan koʼrgazmalar bilan tanishdilar.
Ayniqsa, SamDU Kattaqo’rg’on filiali talabalari tomonidan tayorlagan 5 xil; Qoraqalpoq, Xorazm, Buxoro, Samarqand va Farg’onacha oshlari barchaga manzur bo’ldi.
Tadbir so’ngida g’oliblar shahar hokimining tashakkurnomasi va esdalik sovg’alari bilan taqdirlandi.