Bugun “Yoshlar” telekanalida har hafta jonli efirga uzatilayotgan “Abituriyent-2023“ loyihasining navbatdagi soni bo‘lib o‘tadi.
Unda alohida iqtidor talab etiladigan ta’lim yo‘nalishlari bor OTMlarda kasbiy (ijodiy) imtihonlar o‘tkazish tartibi hamda baholash mezonlari haqida to‘liq ma’lumot beriladi.
O‘zbekiston jurnalistika va ommaviy kommunikatsiyalar universiteti hamda O‘zbekiston davlat jismoniy tarbiya va sport universiteti va uning filiallariga hujjat topshirmoqchi bo‘lgan abituriyentlar mavzu doirasidagi savollarini @abituriyent2023bot telegram boti orqali yuborishlari mumkin.
Savollarga vazirlik, agentlik va tegishli oliy ta’lim muassasalari mutaxassislari tomonidan javob beriladi.
Ko‘rsatuvni bugun, soat 15:00 da “Yoshlar” telekanali hamda vazirlikning http://youtube.com/c/eduuz Youtube videohostingi orqali jonli efirda ko‘rishingiz mumkin.