Bugun Samarqand davlat universteti Kattaqo’rg’on filiali Biznesni boshqarish va axborot texnologiyalari fakulteti talabalari tomonidan Muhammad Yusuf tavalludining 68 yilligiga bag’ishlangan “Jannatlarda she’r yozsin Muhammad Yusuf” mavzusida ma’naviy-ma’rifiy tadbir bo’lib o’tdi.
Tadbirni fakultet Yoshlar masalalari ma’naviy-ma’rifiy ishlar bo’yicha dekan o’rinbosari Abror Jabborov kirish so’zi bilan ochdi.
Shundan so’ng tadbir mehmoni Kattaqo’rg’onlik shoira Ruxsora Ollayorova so’zga shiqib, Oʻzbekiston xalq shoiri Muhammad Yusufning hayoti va ijodiga oid qiziqarli ma’lumotlar bilan o’rtoqlashdi hamda o’z she’laridan namunalar keltirdi.
Qizg’in o’tayotgan tadbir kechasida fakultet talabalari tomonidan Muhammad Yusuf qalamiga mansub inson va hayot, ona Vatan tushunchalari mujassamlashgan she‘rlaridan namunalar aytishi yig‘ilganlar qalbidan chuqur joy egalladi.
Shu bilan birgalikda qizg’in o’tayotgan tadbir kechasida 1-sonli umumiy o’rta ta’lim maktabi o’quvchilari ham Muhammad Yusuf ijodiga bag’ishlangan o’z she’riy chiqishlarini namoyish etdilar.
Ma’lumki, o’tgan hafta 13-18 aprel kunlari Respublikamiz bo’ylab “Kitobxonlik haftaligi” bo’lib o’tgan edi. Shu munosabat bilan “Kitobxonlik haftaligi” doirasida faol qatnashgan talabalarimiz tadbir so’ngida munosib sovg’a va eng yaxshi do’st bolmish, kitob bilan taqdirlandilar.
