Bugun 16-oktabr sanasida O‘zbekiston Respublikasidagi barcha OTMlar bilan bir qatorda Samarqand davlat universiteti Kattaqo’rg’on filialida ham “Kreativ ta’lim va innovatsiyalar – yangi O‘zbekiston taraqqiyotining asosi” shiori ostida “Innoweek.uz_2023” innovatsion gʻoyalar haftaligiga start berildi.
“InnoWeek-2023” innovatsion gʻoyalar haftaligida SamDUKF professor-oʻqituvchilari hamda talabalari oʻz innvovatsion ko’rgazmalari, gʻoya va loyihalari bilan faol ishtirok etmoqda. “InnoWeek-2023” innovatsion gʻoyalar haftaligi har bir soha bo’yicha hamkorlikni yo’lga qo’yish orqali samarali integratsiyani amalga oshirish hamda kreativ g’oyalarni tadbiq etishda muhim vosita ekanligini ta’kidlandi.
Filial olimlari, ilmiy tadqiqotchi yoshlar va viloyat ishbilarmonlarining turli uchrashuv va seminarlari, startap loyiha mualliflari va loyiha rahbarlarining master klasslari, innavotorlarning ilmiy-amaliy konferensiyalari, kreativ taʻlim kongresi, universitet iqtidorli talabalarining chiqishlari hamda innovatsion koʻrgazmalar tashkil etilmoqda.
Haftalik doirasida ko‘rgazmalar taqdimoti, xorijiy hamkorlar bilan uchrashuv va kelishuvlar, konferensiya va forumlar tashkil etish rejalashtirilgan.
Eslatib o‘tamiz “Innoweek.uz_2023” innovatsion gʻoyalar haftaligi 20-oktabrga qadar davom etadi.
Oʻzining kreativ gʻoya va tashabbuslariga, startap loyihalariga ega yoshlarimizni mazkur haftalikda faol ishtirok etishga chorlaymiz.
