Asrimizning yana bir yili poyoniga yetib, yangi yil kirib kelmoqda. Yangi yil bayrami arafasida hamma bir biriga ezgu tilaklar bildirib, sovg‘alar ulashishi odat tusiga kirib ulgirgan. Ayni kunlarda mamlakatimiz bo‘ylab, tashkilotlarda, mahallalarda barcha mehnat jamoalarida yangi yil bayrami ko‘tarinki ruhda nishonlanmoqda.
Xususan, SamDU Kattaqo’rg’on filialida ham 15-dekabrdan boshlab alohida grafik asosida, fakultetlarda, talabalar turar joylarida turli tadbirlar, bayramona chiqishlar namoyish etilmoqda.
Jumladan, bugun Aniq va tabiiy fanlar fakultetida “Yangi yil oldi bayram shousi” o‘tkazildi.
Tadbirda fakultetning iste’dodli talabalari tomonidan chiroyli she’rlar, musiqiy chiqishlar, betakror raqslar va qiziqarli sahna ko’rinishlari yig’ilganlarga xush kayfiyat baxsh etdi.
Yil davomida turli yo‘nalishlarda faollik ko‘rsatgan bir guruh talabalar filial rahbariyati tomonidan tashakkurnoma va esdalik sovg’alar bilan taqdirlandi.