Oliy ta’lim, fan va innovatsiyalar vazirligining 2023 yil 9 mart 48 qarori ijrosini taminlash maqsadida SamDU Kattaqo‘rg‘on filial Yoshlar ittifoqi filial boshlang‘ich tashkiloti tashabbusi bilan filial Talabalar turar joyida talaba-yoshlarning bo’sh vaqtlarini mazmunli o’tkazish maqsadida “TALABALAR OQSHOMI” madaniy tadbiri tashkillashtirildi.
Tadbirda Yoshlar ittifoqi filial boshlang’ich tashkiloti yetakchisi J.Abduraxmonov, BT yo‘nalish va fakultet koordinatorlari, Pedagogika va tillarni o‘qitish fakulteti tyutorlari H.Rashidov, Sh.Sunnatovlar hamda faol talaba-yoshlar ishtirok etishdi.
Talaba yoshlarning bo‘sh vaqtlarini mazmunli o‘tkazish maqsadida tashkillashtirilgan ushbu kechada ajoyib kuy-qo‘shiqlar yangradi va barchaga ko‘tarinki kayfiyat ulashildi.
Ko’tarinki ruhda o’tgan ushbu tadbir yoshlar o’rtasida mehr-oqibat, birdamlik, ahillikni kuchaytirish, milliy qadriyatlarga hurmat tuyg’ularini oshirishga xizmat qildi.
Tadbirda BT koordinatorlari tomonidan qiziqarli o’yinlar tashkil etildi. G’olib bo’lgan talabalarga fakultet koordinatorlari E.Dusmuradov hamda S.Aktemirovlar tomonidan esdalik sovg’alari topshirildi.