Samarqand davlat universiteti Kattaqo’rg’on filialida talabalarning maishiy muammolarini aniqlash va hal qilish, ular orasida huquqbuzarliklarning barvaqt oldini olish, yoshlarning huquqiy, ijtimoiy-siyosiy faolligini oshirishga qaratilgan profilaktik tadbirlar doirasida huquq-targʻibot organlari bilan hamkorlikda uchrashuvlar, maʼnaviy-maʼnaviy tadbirlar tashkil etilmoqda.
Jumladan, joriy yilning 5-aprel kuni ana shunday uchrashuvlardan biri fililalning faollar zalida “Sen huquqingni bilasanmi?” mavzusida boʻlib oʻtdi.
Tadbirda Kattaqo‘rg‘on shahar IIB Voyaga yitmaganlar va yoshlar bilan ishlash guruhi katta inspektori, kapitan A.Tojiev, SamDU Kattaqo’rg’on filialiga biriktirilgan profilitik inspektori, E.Baxriev, Yoshlar masalalari va ma’naviy-marifiy ishlar bo‘yicha direktorning birinchi o‘rinbosari Sh.Mustafayev,filialning O‘quv ishlari bо‘yicha direktor o’rinbosari S.Elmonov, direktor maslahatchisi, S.Eshonqulov hamda filialning talaba-yoshlari ishtirok etdi.
Talaba-yoshlarning huquqiy madaniyatini yanada oshirish, ularni qonunchilikdagi yangiliklardan boxabar qilish maqsadida tashkil etilgan ushbu uchrashuvni Yoshlar masalalari va ma’naviy-marifiy ishlar bo‘yicha direktorning birinchi o‘rinbosari Sh.Mustafayev ochib berdi.
Mazkur tadbirda, dastlab, Voyaga yitmaganlar va yoshlar bilan ishlash guruhi katta inspektori, kapitan A.Tojiev soʻz olib, inson qadr-qimmati, shaʼni, g‘ururi, manfaatlari haqida toʻxtaldi va uni taʼminlash, huquqini amalda kafolatlash, inson huquqlari eng oliy qadriyat ekanligi, qabul qilinayotgan barcha qonunlarning zamirida inson manfaati turganligi borasida atroflicha soʻz yuritdi.
Xususan, yoshlarning huquqiy tarbiyasiga salbiy taʼsir koʻrsatuvchi omillarga nisbatan huquqiy immunitetni shakllantirish, har bir shaxsda qonunlarga va odob-axloq qoidalariga hurmat, milliy qadriyatlarga sadoqat, huquqbuzarlik va jinoyatchilikka nisbatan esa muroasasizlik hissi boʻlishi lozimligini a’lohida ta’kidlab o’tdi.
Shundan so’ng SamDU Kattaqo’rg’on filialiga biriktirilgan profilitik inspektori, E.Baxriev so’zga chiqib, tizimidagi o‘zgarishlar, jinoyatchilikning kelib chiqish sabablari, yoshlar orasida jinoyatchilik, giyohvandlik va boshqa salbiy illatlarni oldini olish bo‘yicha hamda ularni bartaraf etish uchun olib borilayotgan chora-tadbirlar haqida to’xtalib o’tdi. Shuningdek,yurtimizda oilb borilayotgan islohotlar natijadorligi “Inson huqulari va erkinlilari”ga qaratilayotganligi yana bir bor raqamlar orqali ta’kidlab o’tdi.
Jarayonda filialning O‘quv ishlari bо‘yicha direktor o’rinbosari S.Elmonov o’z nutqida Samarqand davlat universiteti Kattaqo‘rg‘on filialida guruhlar akademik faolligini baholash mezoni haqida talabalarga batafsil ma’lumot berdi.
Tadbir so‘ngida talaba yoshlar o‘zlarini qiziqtirgan savollar bilan tadbir ishtirokchilariga yuzlandilar va atroflicha javoblar oldilar.
