Filial direktorining 2022-yil 17-maydagi “Professor-o‘qituvchilarning shaxsiy ish rejasida ko‘rsatilgan vazifalarni bajarilishi to‘g‘risida”gi 32-ij buyrug‘i ijrosini ta’minlash maqsadida “O’zbek tili va gumanitar fanlar” kafedrasi o’qituvchisi D.Sаyipova tomonidan “Ajdodlar ruhi mangu barhayot” nomli ma’naviy-ma’rifiy kecha tashkil etildi.
Tadbirda talaba-yoshlar ishtirok etib, yozuvchi, shoir, tarjimon, dramaturg, o‘zbek romanchiligi asoschisi Abdulla Qodiriy hamda O‘zbekiston Qahramoni, O‘zbekiston xalq yozuvchisi Said Axmadning hayoti va ijodi borasida qimmatli ma’lumotlarga ega bo‘lishdi.
Tadbir davomida Oʻzbek tili va adabiyoti yoʻnalishi talabalari tomonidan sahnalashtirilgan chiqishlar, mutafakkirlarning davlat arbobi sifatidagi ijod jarayoni aks etgan badiiy koʻrinishlar namoyish etildi.
Tadbirda so’zga chiqqan Yoshlar masalari manaviy- marifiy ishlar bo‘yicha direktor o‘rinbosari Sh.Mustafayev “Eng yaxshi ma’naviy-ma’rifiy tadbir” nominatsiyasida birinchi o’ringa munosib ekanligini, yoshlar o‘rtasida mana shunday tadbirlar, adabiy-badiiy kechalarni tez-tez tashkil qilish talabalarni kitobga oshno bo’lishi, ajdodlar hayoti va ijodidan ibrat olishiga zamin yaratishini e’tirof etdi.
Tadbir so’ngida ushbu tadbir tashkilotchilari hamda faol ishtirok etgan talabalar esdalik sovg‘alar bilan taqdirlanishdi.