SamDU Kattaqo’rg’on filialida Oʻzbekiston Respublikasi Prezidentining “Oʻzbekiston – 2030” strategiyasini “Yoshlar va biznesni qoʻllab-quvvatlash yili”da amalga oshirishga oid davlat dasturi toʻgʻrisida” Farmoni 1-bandida alohida ishlash talab etiladigan yoshlarni masʼul rahbarlarga nomma-nom biriktirish amaliyotini joriy etish vazifasi ijrosini ta’minlash maqsadida “Direktor va yoshlar” uchrashuvi bo‘lib o‘tdi.
Unda filial direktori Sh.Urakov Kattaqo’rg’on shahridagi Ko’hnadam va Yermachit mahallalaridan biriktirilgan yoshlar bilan uchrashdi.
Uchrashuvda Sh.Urakov yurtimiz tinchlik va osoyishtaligini asrab-avaylash, bunda har bir fuqaroning daxldorlik hissi bilan yashashi xalqimiz farovonligiga xizmat qilishini ta’kidladi. Yoshlarning iqtidorini qo’llab-quvvatlash, orzu-umidlarini amalga oshirish borasida qilinayotgan ulkan ishlarga to’xtalib, yoshlarni bunga munosib javob qaytarishga chaqirdi.