O‘zbekiston Respublikasi Vazirlar Mahkamasining 2023-yil 5-oktyabrdagi “O‘zbek tiliga davlat tili maqomi berilganligining 34 yilligi hamda 21-oktabr – O‘zbek tili bayrami kunini keng nishonlash chora-tadbirlari to‘g‘risida”gi 179-son bayonining 20-bandida “O‘quvchi va talaba yoshlar o‘rtasida ommaviy diktant hamda “Til bilimdonlari” intellektual o‘yinlarini tashkil etish choralarini ko‘rish” vazifasi belgilangan.
Shu munosabat bilan joriy yilning 20-oktabr kuni SamDU Kattaqo’rg’on filialida O‘zbek tiliga davlat tili maqomi berilganining 34 yilligi hamda 21-oktabr-O‘zbek tili bayrami munosabati bilan talabalar ishtirokida “Ona tilim – faxrim mening!” mavzusida “Til bilimdonlari” diktant tanlovi o‘tkazildi.
Ushbu tadbirni Pedagogika va tillarni o’qitish fakulteti dekan o’rinbosari, Yoshlar ittifoqi filial boshlang’ich tashkiloti yetakchisi J.Abduraxmonov ochib berdi.
Jarayoni
fakultet dekan o’rinbosari A.Ziyatov, “O’zbek tili va gumanitar fanlar” kafedra mudiri J.Qo’chqorov, tyutor H.Rashidov, “Gumanitar fanlar” kafedrasi o’qituvchisi M.Djakbarova olib bordi.
Unda talabalar o‘zbek tilining go‘zalligi, boy tarixi va uning rivojiga katta hissa qo‘shgan olimlar haqida diktant yozdilar. Bunda ularga chiroyli husnixat va so‘zlarni bexato yozish qoidalarini bilish katta yordam berdi.
G’oliblar munosib estalik sovg’alar bilan taqdirlanishdi.