Maʼlumki, yurtimizda soliq tizimini yangi bosqichga koʼtarish va soliq maʼmuriyatchiligini takomillashtirishga alohida eʼtibor qaratilmoqda
Mamlakatimiz jadal rivojlanib borayotgan bir vaqtda soliq tizimidagi soʻnggi yangiliklarni oʻrganib, ularni tahlil qilib borish SamDU Kattaqo’rg’on filiali talabalari uchun juda muhim ahamiyatga ega.
Bugun Kattaqo’rg’on tuman Davlat soliq inspeksiyasi boshlig’i A.Qulmirzayev SamDU Kattaqo’rg’on filialiga tashrif buyurdi va Biznesni boshqarish va axborot texnologiyalari fakultetida soliq tizimini raqamlashtirishning o’rni, erishilgan natijalar to’g’risida “Bank ishi” yo’nalishi talabalari bilan davra suhbati o’tkazdi.
Tadbirni Yoshlar masalalari va ma’naviy ma’rifiy ishlar bo’yicha direktor o’rinbosari Sh.Mustafayev kirish so’zi bilan ochib berdi.
Tadbir avvalida Kattaqo’rg’on tuman Davlat soliq inspeksiyasi boshlig’i A.Qulmirzayev bugungi kunda yoshlar o‘z iqtidorlarini namoyish etishi uchun barcha sharoitlar muhayyo ekanligini ta’kidladi. Shuningdek, bugungi kunda soliq tizimidagi yangiliklar, shlash tizimi,soliqqa oid qarorlar haqida talabalarga kerakli ma’lumotlar berdi.
Talabalar ushbu davra suhbatida koʻplab maʼlumotlarga ega boʻlib, tajribali mutaxassis tomonidan oʻzlarini qiziqtirgan savollarga javob olishdi.
