Joriy yilning 15-fevral kuni Oliy ta’lim, fan va innovatsiyalar vazirligining 2023-yil 9-avgustdagi “Talaba va yoshlarning bo’sh vaqtlarini mazmunli tashkil etish to’g’risida”gi 351-buyrug`iga ilova qilingan kalendar rejaning 39-bandi ijrosi yuzasidan talabalar turar joyida yashaydigan talabalarning bo’sh vaqtini mazmunli o’tkazish maqsadida filial Xotin-qizlar masalalari boyicha direktor maslahatchisi G.Shokirova, Yoshlar ittifoqi filial boshlangʻich tashkiloti rahbari H.Rashidov va koordinatorlari hamkorligida “Eng mazalli salat” tanlovi tashkil qilindi.
Hozirgi kunda talaba-qizlarning iste’dod va iqtidorini qo‘llab-quvvatlash orqali oilaviy turmushga tayyorlash maqsadida turli ko‘rik-tanlovlar o‘tkazib kelinmoqda. Shular jumlasidan “Eng mazalli salat” tanlovda TTJ da yashaydigan pazandachilikka qiziquvchi talaba-qizlar milliyligimizga oid turli xil salatlar tayyorlash bo’yicha o’zaro bellashdilar. Pazandachilik tanlovi mobaynida talaba-qizlarga “Xotin-qizlar masalalari boyicha” direktor maslahatchisi G.Shokirova, TTJ tarbiyachisi oilaviy turmushga kerak bo‘ladigan asosiy maslahatlarni ham berib o‘tib, yaqindan yordam berdi. Musobaqa tarzida tashkil qilingan tanlovda qizlar o‘zlarining pazandalik mahoratlarini namoyish qilib, hakamlar hay’ati tomonidan “Eng mazzali salat”, “Eng chaqqon pazanda” va “Eng orasta pazanda” nominatsiyalari bo‘yicha munosib rag`batlantirildi. Iqtidorli pazanda qizlar diplom va esdalik sovg‘alar bilan taqdirlanishdi.