Sizni bugungi tarixiy g‘alabangiz bilan chin qalbimdan tabriklayman.
Bugun Siz O‘zbekiston yoshlarining nimalarga qodir ekanligini amalda ko‘rsatdingiz. Vatanimiz bayrog‘ini yuksaklarga ko‘tardingiz. Sizning g‘alabangiz butun o‘zbek xalqining g‘alabasidir.
Chempionlik shohsupasida, oltin medalni, Prezidentimiz Shavkat Mirziyoevdan olishingiz barchamizga faxr-iftixor bag‘ishlaydi.
El-yurtimizning ishonchini oqlab, mustaqil O‘zbekiston sporti tarixida yorqin sahifa ochgan olamshumul zafar sohibi bo‘lgan Siz kabi jasur va vatanparvar yoshlarimiz safi tobora kengayishiga ishonaman.
Otangiz – Husniddin Bobonovga, onangiz Nuriya Bobonovaga o‘zimning cheksiz minnatdorligimni bildiraman. Sizga ta’lim-tarbiya bergan ustozlaringizga rahmat…
Rustam XOLMURODOV,
Samarqand davlat universiteti rektori, Senator,
O‘zbekiston Respublikasi fan arbobi.
