Tarixdan ma’lumki, inson uchun eng xavfli tahdid bu ma’naviy tahdiddir. Darhaqiqat, bugun eng katta xavf sifatida diniy ekstremiz va terrorizm tilga olinmoqda. Diniy ekstremizm diniy rang-baranglikni rad etadi. Shu asnoda aqidaparastlar nafaqat ijtimoiy hayotning siyosiy, iqtisodiy yoki madaniy sohalariga zarar yetkazadilar, balki jamiyatga ommaviy tarzda psixologik bosim o‘tkazib, eng mudhish shakllardagi zo‘ravonlik va agressivlik mafkurasini yoyadilar. Ushbu illat bugun eng rivojlangan mamlakatlar qatorida diyorimizga ham xavf solmoqda.
Shu bois, SamDU KF Biznesni boshqarish va axborot texnologiyalari fakultetida professor-o‘qituvchilar va talaba-yoshlar o‘rtasida “Diniy ekstremizm va uning salbiy oqibatlari ” mavzusida ma’naviy-ma’rifiy tadbir o‘tkazildi. Tadbirda din ishlari bo’icha Kattaqorg’on shahar bosh mutaxasisi B. Qodirov ishtirok etdi.
Tadbini fakultet dekani Suxrob Rajabov ochib berdi. So‘ngra o‘tkaziladigan tadbirni tashkil etishdan ko‘zlangan maqsad haqida gapirib qadimdan yurtimizda islom, xristianlik, yahudiylik, buddaviylik va boshqa dinlar vakillari totuvlikda hayot kechirganligi, diniy nizo, odamlarni millati va diniy mansubligiga qarab ayirish hollari bo‘lmaganligi, mustaqillik yillarida ham ushbu ezgu tarixiy an’ana davom etayotganligi haqida to’xtalib o’tdi. Tadbirni o‘tkazishdan asosiy maqsad yoshlarimizni ogohlikka chaqirish, ularning birinchi galdagi vazifasi faqat ilm olish, Vatani ravnaqini rivojlantirish yo‘lida o‘zining munosib hissasini qo‘sha oladigan yetuk mutaxassis bo‘lib yetishish yo‘lidagi sa’y-harakatlarini ayamasliklarini targ‘ib qilishdan iborat ekanligini talabalarga a’lohida ta’kidlab o‘tildi.
Shundan so‘ng, so‘z din ishlari bo’icha Kattaqorg’on shahar bosh mutaxasisi B. Qodirovga berildi.
Din ishlari bo’icha bosh mutaxasis talabalarga bugungi kunda Vatanimiz mustaqilligini yanada mustahkamlash, tashqi dushmanlar ayniqsa, din niqobi ostida va turli yo’llar bilan tinch osoyishta hayotimizni buzishga intilayotgan kuchlarga qarshi g’oyaviy-siyosiy kurash olib borilayotganligini diniy ekstrеmizm va aqidaparastlikning boshqa ko’rinishlari asrimiz vabosi sifatida ko’plab bеgunoh odamlarning hayotiga zomin bo’lganini, shu sababdan ham dunyodagi barcha ma’rifatparvar kuchlar qatori O‘zbekistonda ham unga qarshi kurashning turli keng miqyosdagi faoliyati olib borilayotganligi haqida ma’lumot berdi va talabalarni ogohlikka da’vat etdi.
Tadbir so‘nggida talabalar o‘zlarini qiziqtirgan savollarga javoblar oldilar va bu kabi uchrashuv va tadbirlarni talaba-yoshlar o‘rtasida tez-tez o‘tkazib turish yuzasidan kelishib olindi.
SamDU KF axborot xizmati