Bayrog‘imiz davlatimiz suverenitetining ramzidir. U xalqimizning shonli tarixi va ezgu intilishlarini o‘zida mujassam etib, tinch va osoyishta, erkin hayotimiz, yorug‘ kelajagimizga bo‘lgan ishonchimizning timsoli sanaladi.
Bugun 18 noyabr O‘zbekiston Respublikasi Davlat bayrog‘i qabul qilingan kunning 32 yilligi mamlakatimiz bo‘ylab keng tantana qilinmoqda. Sana munosabati bilan Kattaqo’rg’on shahar hokimligi oldida bayram tadbiri ko‘tarinki ruhda o‘tkazildi.
Tadbirda harbiylar, huquq-tartibot idoralari xodimlari, ta’lim, sport, madaniyat va san’at sohasi vakillari, yoshlar va keng jamoatchilik ishtirok etdi.
O‘zbekiston Respublikasi Davlat bayrog‘i qabul qilingan kunga bag‘ishlangan tadbirda so‘z olgan shahar hokimi Gavhar Alimova tadbir ishtirokchilarini bayram bilan muborakbod etdi. Bugungi sananing hayotimiz, Vatanimiz ravnaqi yo‘lida o‘rni va ahamiyati haqida fikrlarini bildirdi
Harbiy qism harbiy xizmatchilarining ko‘rgazmali hamda harbiy orkestr jamoasining musiqiy chiqishlari tadbirga ko‘tarinkilik bag‘ishladi.
Shuningdek,yoshlar yetakchilari tomonidan shahrimizdagi markaziy ko‘chalar bo‘ylab avtokarvon tashkil qilindi.
Tadbirda SamDU Kattaqo’rg’on filialining professor-o’qituvchilari hamda talaba-yoshlari faol ishtirok etishdi.