Oliy ta’lim, fan va innovatsiyalar vazirining 2023-yil 9-avgustdagi 351-sonli buyrug‘i 16-bandi ijrosini ta’minlash hamda sog‘lom turmush tarzini qo‘llab-quvvatlash va yoshlarning jismoniy faolligini oshirish maqsadida Samarqand davlat universitetining Kattaqo‘rg‘on filialida sport turlari bo‘yicha jahon, Osiyo va respublika g‘oliblari ishtirokida uchrashuvlar o‘tkazilmoqda.
Jumladan, bugungi tadbirda O’zbekiston chempioni, milliy kurash bo‘yicha sport ustasi E.Dusmurodov,MMA Jang san’ati bo’yicha xalqaro turnirning 2-o’rin sohibi, O’zbekiston chempioni Sh.Shopo’latovlar bilan uchrashuv tashkillashtirildi.
Suhbat davomida chempionlar sport sohasidagi faoliyati, shu paytga qadar erishgan yutuqlari ortidagi mehnat, qiyinchilik va albatta natijalari haqida so‘zladilar.
Talabalar ham o‘zlarini qiziqtirgan savollar bilan murojaat qilib, erkin, do‘stona suhbat o‘tkazdilar.