25 noyabr – BMT Bosh Assambleyasi tomonidan e’lon qilingan Xalqaro ayollarga nisbatan zo’ravonlikka barham berish kuni munosabati bilan kuni kecha shahardagi Bolalar musiqa va san’at maktabida ana shunday tadbirlardan yana biri bo‘lib o‘tdi. Shahar hokimligi, xalq ta’limi boshqarmasi hamda Samarqand davlat universiteti Kattaqo‘rg‘on filiali hamkorligida tashkil etilgan tadbirda mahalla fuqarolar yig‘ini vakillari, xotin-qizlar ishtirok etdi. Ushbu tadbirda o’zga tilli guruhlarda: rus tili yo’nalishi 21_10 guruhi talabalaridan iborat Aristakratlar jamoasi zo’ravonlikka qarshi o’z sahna ko’rinishlari bilan ishtirok etishdi va shahar hokimining tashakkurnomasi bilan taqdirlandi.
