Talaba yoshlarni asr vabosiga aylangan giyohvandlikdan saqlash, ularni bu kabi illatlarga qarshi kurashishga undash maqsadida SamDU Kattaqo‘rg‘on filialida «Biz giyohvandlikka qarshimiz» mavzusida ma’naviy-marifiy tadbir o‘tkazildi.
Tadbirda professor-o‘qituvchilar, filial profilaktika inspektori, Kattaqo‘rg‘on shahar Tibbiyot birlashmasi vrach-narkologi va talaba yoshlar ishtirok etdilar.
Tadbirni Yoshlar masalalari va ma’naviy-ma’rifiy ishlar bo‘yicha filial direktori o‘rinbosari Sh. Mustafoyev o‘z nutqi bilan ochib berdi. Shuningdek, tadbirda Kattaqo‘rg‘on shahar Tibbiyot birlashmasi vrach-narkologi Bahriyev Husan Ochilovich talaba yoshlarga Giyohvandlik oldi-sotdisi bilan shug‘ullanish natijasida yuzaga keladigan ayanchli oqibatlar, har bir shaxs o‘zini bunday inson hayotiga zomin bo‘ladigan moddalardan yiroq tutishi kerakligi to‘g‘risida foydali maslahatlar berildi.
Talabalarga nazoratdan chetda qolgan yoshlar hayotida bo‘sh vaqtning ko‘pligi, jamiyatdan uzoqlashish oqibatida kelib chiqadigan narkotik moddalarga uchlik, ya’ni nashavandlik shu bilan birga psixotrop moddalarni iste’mol qilish yosh insonlarning turmush-tarziga salbiy ta’sir ko‘rsatishi hamda bunday moddalarni iste’mol qilish natijasida organizmda yuzaga keladigan yurak kasalliklari, ruhiy xastaliklarning oldi olinmasligi oqibatida o‘lim bilan yakunlanishi mumkinligi haqida batafsil tushuntirildi.
Giyohvandlik mavzusidagi turli xil savol-javoblar qamrab olingan viktorinani o‘tkazilishi tadbirni yanada samarali o‘tishiga omil bo‘ldi. Tadbirning badiiy qismida ijodkor talabalar o‘zlarining Vatanni ulug‘lovchi she’rlarini o‘qib berdi.
Tadbir so‘ngida faol ishtirkchi talaba yoshlar Tashakkurnoma va Faxriy Yorliqlar bilan taqdirlandi.
Admin