Samarqand davlat universitetining Kattaqo‘rg‘on filialida aprel — “Ta’lim sifati va samaradorligi oyligi” etib belgilandi.
Ushbu oylik O‘zbekiston Respublikasi Oliy ta’lim tizimini 2030-yilgacha rivojlantirish konsepsiyasi hamda ushbu yo‘nalishdagi Prezidentimiz tomonidan qabul qilingan qaror va farmonlar ijrosini ta’minlash maqsadida tashkil qilinmoqda.
Kafedra va dekanatlar faoliyatini tanqidiy tahlil qilish, professor-o’qituvchilarning pedagogik mahorati va pedagogik-psixologik bilimlarini oshirish bo‘yicha seminar-treninglar tashkil qilish, namunaviy ochiq darslar o‘tkazish, fan to’garaklari faoliyatini izchil yo’lga qo’yish, hemis axborot tizimidagi mavjud kamchiliklarni aniqlab, bartaraf etish oylikning asosiy maqsadidir.
Filial professor-o’qituvchilari “Eng yaxshi vedio kontent”, “Eng yaxshi ochiq dars”, “Eng yaxshi taqdimot” nominatsiyalari bo‘yicha mahoratlarini namoyon qilishadi.