SamDU Kattaqo‘rg‘on filialida Kattaqo‘rg‘on shahar maktab va maktabgacha ta’lim bo‘limi bilan hamkorlikda talabalarning malakaviy amaliyotlari hamda uzluksiz amaliy ta’lim (4+2)ni samarali tashkil qilishga bag‘ishlangan seminar bo‘lib o‘tdi.
Pedagogika yo‘nalishida sifat va samaradorlikni oshirish, bo‘lg‘usi pedagoglarni bilimlarini amaliyotda yanada mustahkamlash, sharoit yaratish bo‘yicha qabul qilingan qator qaror va farmonlar ijrosini ta’minlash maqsadida tashkil qilingan ushbu seminarda filial rahbariyati, fakultet dekanlari va mudirlar, maktab direktorlari ishtirok etdi.
Amaliyotchi talabalar va biriktirilgan o‘qituvchilarning uzluksiz hamkorligini ta’minlash, professor-o‘qituvchilar hamda maktab o‘qituvchilarining o‘zaro tajriba almashinuvini yanada oshirish haqida fikrlar bildirildi.
Bu borada kelgusida samarali ishlarni amalga oshirish maqsadida hamkorlik memorandumi ham imzolandi.