fbpx

Oʻzbekiston Respublikasi Oliy taʼlim, fan va innovatsiyalar vazirligining 2023 yil 23-may sanasidagi 03/42-808-sonli xatining ijrosini ta’minlash maqsadida: YUNESKO tashkiloti “Ipak yoʻli dasturi doirasida “Ipak yoʻli yoshlar tadqiqot granti- Ipak yoʻli tashabbusi orqali yosh tadqiqotchilar salohiyati va hissasini kuchaytirish” deb nomlangan 3-xalqaro tanlovini e’lon qildi. Mazkur tanlov Xitoy Xalq Respublikasining YUNESKO ishlari boʻyicha Milliy komissiyasi tomonidan moliyalashtiriladi. Mazkur tanlovning asosiy maqsadi yosh tashkilotchilarni “Ipak yoʻlining umumiy merosini oʻrganishi uchun safarbar etishga qaratilgan boʻlib, 35 va undan kichik yoshdagi ayollar va erkaklarga 12 ta granti ajratiladi. Nomzodlar Ipak yoʻli boʻylab asrlar davomida oʻzaro hamkorlikda rivojlangan umumiy meros va oʻziga xoslik bilan bog‘liq ta’lim yoʻnalishlariga ariza topshirishlari mumkin. Shuningdek, ularning tadqiqotlari dolzarbligi va bu merosning oʻziga xos boʻlgan ijodkorlik, muloqot, ijtimoiy hamjihatlik, xalqaro va mintaqaviy hamkorlik, barqaror tinchlik va rivojlanish uchun YUNESKO mandatiga muvofiq boʻlishi lozim.
Tanlovda qatnashish uchun nomzodlar 2023-yilning 31-may kuniga qadar (https://en.unesco.org/silkroad/youthgrant) veb-sahifasi orqali shaklni onlayn toʻldirishlari soʻraladi. Tanlov haqida qoʻshimcha ma’lumot olish uchun UNESKOning “Ipak yoʻllari” dasturi boʻyicha mutaxassislari Mehrdad Shabahang (m.shabahang@unesco.org) va Tara Golkar xonim (t.golkar@unesco.org) bilan bog‘lanishingiz mumkin. Soha mutaxassislarni tanlovda ishtirok etish uchun roʻyxatdan oʻtishlari soʻraladi. Roʻyxatdan oʻtganlar ilmiy boʻlimga (105-xonaga) murojaat qilishlari soʻraladi.