“Yoshlar o’rtasida jinoyatchilikning oldini olish va unga qarshi kurashish” mavzusida profilaktik tadbir oʻtkazildi.
Bugungi kunda yoshlar ta’lim va tarbiyasi davlat siyosatining dolzarb masalalaridan biriga aylanganligi hech kimga sir emas. Mamlakatimizda amalga oshirilayotgan barcha ijobiy o`zgarishlar zamirida har tomonlama barkamol – jismonan sog`lom, aqlan yetuk, mustaqil va ijodiy fikrlashga qodir, intellektual salohiyati yuksak yosh avlod to`g`risida g`amxo`rlik qilish ustuvor maqsadimizdir.

Joriy yilning 3-iyun sanasida Samarqand davlat universiteti Kattaqo‘rg‘on filiali Biznesni boshqarish va axborot texnologiyalari fakultetida “Yoshlar o’rtasida jinoyatchilikning oldini olish va unga qarshi kurashish” mavzusida profilaktik tadbir oʻtkazildi.

Unda Kattaqo‘rg‘on shahar profilaktika katta inspektori kapitan O.O‘rozov, “G‘arib machit” MFY Yoshlar yetakchisi X.Saidov, “Chinobod” MFY Yoshlar yetakchisi S.Ko‘chimov, “O‘rikzor” MFY Yoshlar yetakchisi O.Qodirov hamda fakultetning talaba-yoshlari ishtirok etdi.
Tadbirni Biznesni boshqarish va axborot texnologiyalari fakulteti dekani S.Rajabov ochib berdi.
