joriy yilning 4- iyun kuni kattaqoʼrgʼonlik yoshlar oʼrtasida “Yoshlar oyligi” munosabati bilan “Yangi Oʼzbekiston yoshlari birlashaylik” shiori ostida bir qator tadbirlar oʼtkazildi. Bugungi tanlovlarda yoshlar sportda va bilimda “Prokuror kubogi” uchun bellashdilar.

Jumladan, oʼquvchi-yoshlarning intellektual bilim va salohiyatlarini yanada oshirish maqsadida “Prokuror kubogi” uchun “Zakovat” intellektual oʼyini tashkil qilindi.

Mahallalar yoshlari oʼrtasida koʼtarinki ruhda boʼlib oʼtgan tanlovda faxrli birinchi oʼrin Аmir Temur mahallasining “Turon” jamoasiga nasib etdi. Shuningdek, Samarqand Davlat universiteti Kattaqo’rg’on filialining  “Аdolat” jamoasi ikkinchi hamda “Vatanparvar” mahallasining “Аmir Temur avlodlari” jamoasi uchinchi oʼrinni qoʼlga kiritdilar.

Gʼolib jamoa tadbirda ishtirok etgan shahar hokimi oʼrinbosari J.Nosirov hamda shahar prokurori yordamchisi J.Mardanovlar tomonidan taqdirlandi.

Bugun yana yoshlar oʼrtasida kitobxonlikni keng targʼib qilish maqsadida tashkil qilingan “Zukko kitobxon” tanlovi ham uyushqoqlik bilan oʼtkazildi.

Yoshlar ushbu tanlov orqali oʼzlarining kitob mutolaa qilishga boʼlgan qiziqishlarini namoyon etgan holda, kitoblarning hayotlaridagi oʼrni va ahamiyati qanchalik yuqori ekanligini koʼrsatib berdilar.

Tanlov yakuniga koʼra “Qoriravot” mahallasining yoshlaridan iborat “Zulfiyaxonim qizlari” jamoasi gʼolib topildi.

Tadbirda ishtirok etgan shahar hokimi oʼrinbosari J.Nosirov hamda shahar prokurori yordamchisi J.Mardanov gʼolib jamoaga esdalik sovgʼalarini topshirdi.

SamDU KF axborot xizmati