“Yilning eng faol talabalar teatr studiyalari” tanlovining 3-mintaqaviy bosqichi TTA Urganch filialida o‘tkazildi

Oliy va o‘rta maxsus ta’lim vazirligining 2022-yil 11-apreldagi 14-q/q-sonli, O‘zbekiston Respublikasi Madaniyat vazirligining 2022-yil 11-apreldagi 01-05-08-sonli, O‘zbekiston Respublikasi Yoshlar ishlari agentligining 2022-yil 11-apreldagi 01-07/14-sonli qo‘shma qarorlari ijrosini ta’minlash maqsadida Oliy talim muassasalarida o‘tkaziladigan “Yilning eng faol talabalar teatr studiyalari” tanlovining 3-mintaqaviy bosqichi 2022-yil 2-iyun kuni TTA Urganch filialida bo‘lib o‘tdi.

Unda Oliy va o‘rta maxsus ta’lim vazirligi huzuridagi Ma’naviyat va ma’rifat markazi mutaxassisi A. Mahmudov, O‘zbekiston Davlat san’at va madaniyat instituti Nukus filiali “Rejissorlik va aktyorlik” mahorati kafedrasi o‘qituvchisi, Qoraqalpog‘istonda xizmat ko‘rsatgan artist B.Nazarinbetov Hakamliq qilishdi. Shuningdek, tanlov jarayonida O‘zbekiston xalq artisti B. Omonboyev va O‘zbekiston Respublikasi Yoshlar ishlari agentligi Xorazm viloyati boshqarmasi xodimi F.Atajanovlar mehmon sifatida ishtirok etishdi.

Tanlovda Samraqand davlat universitetining “Behbudiy izdoshlari” jamoasi Usmon Azimning “Kunduzsiz kechalar” asari asosida sahnalashtirilgan spektaklini, Samarqand davlat universiteti Kattaqo‘rg‘on filialining “Majidiy izdoshlari” jamoasi Jamol Sirojjidin asari asosida sahnalashtirilgan “Asalari ibrati” spektaklini, Samaraqand davlat tibbiyot universitetining “Ibn Sino izdoshlari” jamoasi “Renessans” tarixiy dramasini, Toshkent axborot texnologiyalari universiteti Nukus filialining “Tan nuri” jamoasi qozoq daramaturgi Soya Qosimbek asari asosida sahnalashtirilgan “Lift” pyesasini, Navoiy davlat konchilik va texnologiyalar universitetining “Parvoz” jamoasi Uyg‘un asari asosida sahnalashtirilgan “Parvona” spektaklini sahnaga olib chiqishdi.

Tanlov natijalariga ko‘ra, “Eng yaxshi spektakl” nominatsiyasi bo‘yicha Samarqand davlat universiteti Kattaqo‘rg‘on filialining “Majidiy izdoshlari” talabalar teatr studiyasi jamoasi “Asalari ibrati” spektakli uchun mutloq g‘olib deb topilib, respublika bosqichiga final yo‘llanmasini qo‘lga kiritishdi.

Shuningdek, “Eng yaxshi teatr studiyasi rahbari” nominatsiyasi bo‘yicha TATU Nukus filiali teatr jamoasi rahbari, “Eng yaxshi ayol roli” nominatsiyasi bo‘yicha Samraqand davlat universitetining “Behbudiy izdoshlari” jamoasi a’zosi, “Eng yaxshi erkak roli” nominatsiyasi bo‘yicha Navoiy davlat konchilik va texnologiyalar universitetining “Parvoz” jamoasi a’zosi taqdirlandi.