fbpx

Inson xarakteri olam-olam jumboqlarga to’la. Ba’zan mahzunlik, ba’zan mamnunlik, ba’zan butunlay tushunarsiz… Shunday vaqtlar bo’ladiki, inson hayotda nima uchun yashayotgani haqida mushohada yuritgisi keladi. Har birimiz hech bo’lmasa bu haqda bir bora o’ylab ko’rishimiz lozim. Agar har kun, har oy yoki yilda bir o’ylab ko’rsak nur ustiga nur!

SamDU Kattaqo’rg’on filialining talabalar turar joyida yashovchi talabalari bilan navbatdagi psixologik treningimiz shu haqda bo’ldi. “Yashash uchun 1001 sabab” tamoyili asosida talabalarning o’z oldiga qo’ygan maqsadlari, orzu-umidlari haqida do’stona suhbatlashildi.

Fikrlar bir olam: biri ota-onam orzusini amalga oshirish desa, boshqasi yuksak ilm cho’qqilarini egallashni bildirdi. Boshqasi yana  ezgu va xayrli maqsadlari bilan o’rtoqlashishdi.

Lutfiya Kalkanova, SamDU KF psixologi