fbpx

SamDU Kattaqo‘rg‘on filiali direktorining Yangi yil bayrami tabrigi

Assalomu alaykum, aziz yurtdoshlar, qadrli professor-o‘qituvchilar va talabalar!

Sizlarni hayajonli, har bir qalbda bayramona kayfiyat hukm surib turgan mana shunday kunlarda Yangi yil bayrami bilan tabriklayman!

Nihoyasiga yetayotgan 2023-yil nafaqat jonajon Vatanimiz uchun, nazarimda, har bir oila uchun, shu bilan birga, filialimiz jamoasi uchun haqiqiy ma’noda omadli va muvaffaqiyatli yil bo‘ldi!

Filialimizning “Majidiy izdoshlari, teatr jamoasining respublikada 3-o‘rinni egallagani, talabalarimiz orasidan nomdor davlat stipendiantlari chiqqani, qator ilmiy izlanishlar tufayli professor-o‘qituvchilarimiz orasidan fan doktorlari, falsafa doktorlari (PhD) bo‘lgani, ustozlar tomonidan qator darslik, o‘quv-uslubiy qo‘llanmalar nashr qilingani, o‘nlab xalqaro darajadagi nufuzli nashrlarda maqolalar e’lon qilingani, ilmiy loyihalarga guvohnomalar olingani bilan 2023-yil esda qolarli bo‘ldi.

Bu, albatta, ahil, hamjihat va mehnatsevar, ilmsevar jamoamizning sa’y-harakati natijasidir.

Biz ishonch bilan ayta olamizki, Yangi 2024-yil bundan-da omadli va barakali, sermahsul yil bo‘ladi. Ayniqsa, bu yil filialimizda ilmiy salohiyatni yanada oshirish, respublika reytinglarida yetakchi o‘rinlarga chiqish yili bo‘ladi!

Aziz hamkasblar, talabalar!

Yana bir bor Yangi yil bayramingiz muborak bo‘lsin! Har bir oilada xursandchilik arimasin! Farzandlarimiz baxtli bo‘lishsin! El-yurt ravnaqi, kelajak avlod ta’lim-tarbiyasi yo‘lida mehnat qilayotgan har bir vatandoshimizni Yaratganning o‘zi qo‘llasin! Yangi O‘zbekistonimiz gullab-yashnasin!

Sh.R.Urakov,

SamDU Kattaqo‘rg‘on filiali direktori.