fbpx

Kuni kecha, Kattaqo’rg’on shahrida “Yangi O‘zbekiston yoshlari birlashaylik!” shiori ostida o‘tayotgan yoshlar festivalida osh chempionati tanlovi va “Zakovat” intellektual oʻyinlari, Kitobxonlik va mushoira kechasi boʻlib oʻtdi. 

Azaldan xalqimizda “Mehmon kelsa bormi, pastga tush, palov bersa ahdga tush”, degan naql bor. Nafaqat mehmon kutishda, balki to‘y-hasham-u marakalarda ham milliy taomimiz — osh pishiramiz.

Darhaqiqat, ushbu taom juda qadimgi milliy taomlarimizdan biri hisoblanadi. Ba’zi manbalarga ko’ra, palovning tayyorlanish uslubi eramizdan avvalgi 2-3-asrlarda qadimgi O’rta Osiyo va Yaqin Sharq xalqlari orasida ommabop hisoblanadi. Har bir hududning o‘z uslubiga ko‘ra osh damlash, dasturxonga tortish siri bo‘ladi.

Shu bois, Kattaqo‘rg‘on shahrida “Yangi O‘zbekiston yoshlari birlashaylik” shiori ostidagi tadbirda milliy qadriyatlarni e’zozlash, yoshlar o‘rtasida o‘zaro hamjihatlikni mustahkamlash va xalqimizga xos bo‘lgan ezgu fazilatlarni yanada yuksaltirish maqsadida  “Osh chempionati” ham tashkil etildi.

Quvonarlisi, ushbu chempionatda filialimiz o’qituvchisi Yulduz Xolxujayeva faxrli birinchi orinni qo’lga kiritdi va Kattaqo‘rg‘on shahar hokimi Gavhar Alimova tomonidan diplom va esdalik sovg’alar bilan taqdirlandi.

Shuningdek,ushbu tadbirda fililalimiz vakillari kitobxonlik va mushoira kechasi tanlovida ham faol ishtirok etishdi.