fbpx
“Huquqiy savodxonlik oyligi” doirasida o’tkaziladigan tadbirlarda “Yangi O’zbekiston va inson huquqlari” mavzusiga a’lohida e’tibor qaratilishi va 2023-yildan boshlab O’zbekiston Respublikasi Konstitutsiyasi qabul qilingan kun munosabati bilan o’tkaziladigan ko’rik-tanlovlarda ayollar,bola va yoshlar nuquqlari masalalari qamrab olinishini ta’minlash yuzasidan ishlab chiqilgan chora-tadbirlar rejasining 1-bandida “Huquqiy savodxonlik oyligi” doirasida oliy ta’lim muassasalarida “Yangi O’zbekiston va inson huquqlari”mavzusiga bag’ishlangan darslar o’tkazish vazifasi belgilangan.

Shu bois, bugun Samarqand davlat universiteti Kattaqo’rg’on filiali Aniq va tabiiy fanlar fakultetida  “Huquqiy savodxonlik oyligi” doirasida “Yangi O’zbekiston va inson huquqlari” mavzusida darslar tashkil qilindi.

“Yangi O’zbekiston va inson huquqlari” mavzusidagi darslarda filial talabalari o’rtasida ijtimoiy ma’naviy muhit barqarorligini ta’minlashga mas’ul bo’lgan direktor maslahatchisi S.Eshonqulov,filiali ilmiy ishlar va innovatsiyalar sektori rahbari F. Sirojiddinov, “Amir Temur” mahallasi profilaktika inspektori E.Ro’zmonov, va fakultet dekan o’rinbosarlari A.Jabborov hamda Sh.Xudoyberdievlar fakultet talabalariga mavzu yuzasidan dars o’tishdi.

Jarayonda yurtimizdagi keng ko‘lamli demokratik o‘zgarishlar, yangilangan Konstitutsiyada inson huquq va erkinliklari kafolatlanganligi, asosiy e’tibor inson omiliga qaratilayotganligi ayniqsa, xotin-qizlarga berilayotgan imtiyozlar to‘g‘risida to‘xtalib o‘tildi.  Inson huquq va manfaatlarini ishonchli himoya qilish borasida olib borilayotgan islohotlar, ularning huquqiy madaniyatini yuksaltirish haqida so‘z yuritildi.

Jamiyatimizda inson huquq va erkinliklarini hurmat qilish madaniyatini shakllantirish orqali mamlakatimizning xalqaro nufuzini yanada oshirish borasida amalga oshirilayotgan ishlar xususida o‘z fikr-mulohazalarini bildirdi.

Shuningdek, dars davomida jinoyatchilik va huquqbuzarliklarning oldini olish, yoshlar huquqiy madaniyatini oshirish, jamiyat osoyishtaligini asrab-avaylashga alohida e’tibor qaratish muhim masalalardan ekanligi ta’kidlandi.

Tadbirda talabalar oʻzlarini qiziqtirgan savollarga batafsil javob olishdi.