fbpx

XOTIRA MUQADDAS -XOTIRA AZIZ!

           Mamlakatimizda 9-may umumxalq bayrami – “Xotira va qadrlash kuni” ni, Ikkinchi jahon urushining har bir qatnashchisi, front orti mehnat faxriylari oldida hurmat bajo keltirish, yurtimizda mehr-oqibat, hamjihatlik, insoniylik, bag‘rikenglik va xayr-saxovat muhitini yanada mustahkamlash, yosh avlodni milliy an’analarimizga sadoqat va umuminsoniy qadriyatlarga hurmat ruhida kamol toptirish hamda bu muqaddas ayyomni yuksak saviyada nishonlash anʻana tusiga kirgan.

          Shu bois,Samarqand davlat universiteti Kattaqo‘rg‘on filialning barcha professor-o‘qituvchilari, xodimlari hamda talabalari 9-may “Xotira va qadrlash kuni” munosabati bilan Kattaqo‘rg‘on shahar Xotira maydonida tadbirda ishtirok etdilar.

          Tadbir davomida Kattaqo‘rg‘on shahar Xotira maydonida bir qator faxriylar bilan uchrashuv tashkil etildi.

          Mazkur uchrashuvda Kattaqo‘rg‘on shahri hokimasi G.Alimova, soʻzga chiqib, barcha yig‘ilganlarni kelayotgan ayyom bilan qutladi, 9-may mamlakatimizda umumxalq bayrami sifatida keng nishonlanishi haqida soʻz yuritdi.

          Og‘ir kunlar suroni, ota-bobolarimiz matonati, o‘tganlarni yod etish, keksalarni qadrlash, tinchligimiz qadriga yetish haqida to’xtalib o’tdi.

          Samarqand davlat universiteti Kattaqo‘rg‘on filiali direktori Sh.Urakov,Yoshlar masalalari va ma‘naviy-ma‘rifiy ishlar bo‘yicha direktorning birinchi o‘rinbosari Sh.Mustafayev, O‘quv ishlari bo‘yicha direktor o‘rinbosari S.Elmonov, Ijtimoiy-ma‘naviy muhit barqarorligini ta‘minlashga mas‘ul bo‘lgan direktor maslahatchisi S.Eshonqulov, Moliya-xo’jalik ishlari bo‘yicha direktor o‘rinbosari B.Murodqobilov, filialning fakultet dekanlari S. Rajabov hamda A. Sobirovlar va professor- o‘qituvchilar old qatorda talabalarga o‘rnak bo‘lgan holda ishtirok etishdi.

          Аjdodlarimiz xotirasini ulugʼlab mana shunday tadbirlarni tashkil etish orqali talaba-yoshlar ongiga bugungi farovon turmushimiz uchun fidokorona jang qilgan qahramonlarimiz xotirasi muqaddas ekanligini singdirish oliy maqsadimiz hisoblanadi.