fbpx

SamDU Kattaqo‘rg‘on filialida Pedagogika va tillarni o‘qitish fakulteti Xorijiy til va adabiyoti: ingliz tili, Filologiya yo‘nalishlari talabalari hamda Qirg‘iziston Respublikasi Alatou xalqaro universiteti professori, Lingvistika kafedrasi mudiri Alimjon Zokirov bilan uchrashuv bo‘lib o‘tdi.

Unda filial ilmiy ishlar va innovatsiyalar bo‘yicha direktor o‘rinbosari Fazliddin Sirojiddinov, bo‘lim boshlig‘i Muhammadi To‘rayev, filologiya fanlari doktori, professor Xurshid Xayrullayev ishtirok etdi.

Olim o‘zining uzoq yillik ilmiy faoliyati, pedagogik tajribasi, erishgan natijalari haqida so‘z yuritdi.

Xorijiy tillarni puxta egallash, o‘z sohasining bilimli va malakali mutaxassislari bo‘lish bo‘yicha tavsiyalar berdi.

Talabalar olimdan o‘zlarini qiziqtirgan savollarga javob olishdi.