SamDU Kattaqo’rg’on filialida ma’naviy-ma’rifiy ishlar samaradorligini yanada oshirish, turli tadbirlar orqali talabalar bo’sh vaqtini mazmunli tashkil qilish borasida qator ishlar amalga oshirilmoqda.
Bu borada o’zining sa’y-harakati, jamoatchiligi va tashabbuskorligi bilan namuna bo’lib kelayotgan ustozlar talaygina.
Oliy ta’lim, fan va innovatsiyalar vazirligi tomonidan ana shunday ustozlar mehnati e’tirof etildi.
“Xorijiy tillar” kafedrasi o’qituvchisi Nasiba Ruziyevaga, “Raqamli texnologiyalar va iqtisodiyot” kafedrasi o’qituvchisi Maftuna Abbosovaga hamda “O’zbek tili va gumanitar fanlar” kafedrasi o’qituvchisi Dilafruz Sayipovaga Oliy ta’lim, fan va innovatsiyalar vazirining “Faxriy yorlig’i” topshirildi.
Fidoyiligi, mehnati va g’ayrat-shijoati bilan faoliyati e’tirof etilgan ustozlarni tabriklaymiz!