Joriy yilning oktabr oyidan har bir oliy ta’lim muassasalarida guruh murabbiylari o‘rnida tyutor lavozimi joriy etildi. Talabaning darsdagi, bo‘sh vaqtidagi holatini nazorat qilish, ularning muammolarini o‘rganib, rahbariyatga asosli takliflar berish va boshqa bir qator faoliyat turlarini amalga oshirishda SamDU Kattaqo‘rg‘on filiali tyutorlari samarali mehnat qilmoqdalar.

Jumladan, filialning Pedagogika va tillarni o‘qitish  fakulteti tyutorlari Husniddin Rashidov hamda Abror Jabborov talabalar ijarada yashayotgan xonadonlarda bo‘lishdi.

Tyutorlar talabani ijaraga qo‘ygan fuqarolar shaxsi bilan yaqindan tanishib, doimiy muloqotda bo’lish yuzasidan ular bilan ma’lumot almashishdi.

Shuningdek, talabalarning yashashi, dars tayyorlashi, xonaning qishda isitilishi, is gazi va boshqa xavf-xatarlarning oldi olinganligi holatlarini ko‘zdan kechirib, zarur tavsiyalar berishdi.

Ushbu o‘rganish jarayonlari suratlarda.