TA’TILDAGI TALABALARNING BO‘SH VAQTI NAZORATDA
Xabaringiz bor, talabalarimizning qishki ta’tili 24-yanvarga qadar uzaytirildi. SamDU Kattaqo‘rg‘on filialida talabalarning qishki ta’tili davomida bo‘sh vaqtlarini mazmunli tashkil qilishga ko‘maklashish, zarur tavsiyalar berishga alohida e’tibor qaratilmoqda.
Bugun, 12-yanvar kuni filialning Pedagogika va tillarni o‘qitish fakulteti dekani Anvar Sobirov zoom platformasi orqali fakultet talabalari bilan onlayn muloqot qildi.
A. Sobirov talabalarga qishki ta’tilning uzaytirilganligi sabablari haqida to‘xtalib, ushbu vaqt davomida ular rioya qilishi zarur bo‘lgan vazifalar, bo‘lajak imtihonlar va ularga tayyorgarlik ko‘rish, mustaqil ta’lim topshiriqlarini o‘z vaqtida bajarib topshirish bo‘yicha tavsiyalar berdi.
Ta’til davomida onlayn tashkil qilinayotgan fan olimpiadalari va ko‘rik-tanlovlar haqida ma’lumot berib, ularda faol ishtirok etish bo‘yicha vazifalar topshirdi.
Dekan talabalarning savollariga javob berdi.
✍️ “Jurnalist maktabi”