fbpx
2024 yil 16 yanvar sanasida Samarqand davlat universitetining Kattaqo‘rg‘on filiali ilmiy ishlar bo‘yicha direktor o‘rinbosari Fazliddin Sirojiddinov, ilmiy tadqiqotlar, innovatsiyalar va ilmiy pedagogik kadrlar tayyorlash sektori boshlig‘i Muhammadi To‘rayev, Aniq va tabiiy fanlar kafedrasi mudiri Zoxid Shukurov hamda Aniq va tabiiy fanlar kafedrasi xodimi Jonibek Javharovlar Kattaqo‘rg‘on tumani Kumushkent MFY hududida joylashgan MCHJ «China Energy International Group Samarkand Cement» qo‘shma korxonasiga tashrif buyurishdi.
Tashrif chog‘ida qo‘shma korxona bosh direktori maslahatchisi Kamoliddin Axmedov hamda xodimlar bo‘limi boshlig‘i Nargiza Narzullayevalar bilan uchrashuv o‘tkazildi. Uchrashuv davomida Samarqand davlat universitetining Kattaqo‘rg‘on filiali hamda MCHJ « China Energy International Group Samarkand Cement» qo‘shma korxonasi bilan hamkorlik ishlari bo’yicha amalga oshirilishi kerak bo‘lgan ishlar rejalashtirilib olindi.