fbpx

Kattaqo’rg’on shahrining barcha mahallalarini yanvar oyi mobaynida “Yangi hayot uchun, yangi O‘zbekiston uchun!” shiori ostida “Mahallada duv-duv gap” tadbirlari qamrab olib, unda 5 ta yo‘nalish bo‘yicha ma’naviy-ma’rifiy va madaniy tadbirlar aholining kayfiyatini ko‘tarish hamda islohotlarga daxldorligini oshirishga xizmat qilishi ko‘zlangan.

Shu munosabat bilan “Mahallada duv-duv gap” turkumidagi targ‘ibot tadbirlarining navbatdagisi “Vatanparvar” mahallasida ham uyushqoqlik bilan o‘tkazildi. Shahar harbiy qism faollar zalida bo‘lib o‘tgan tadbirda SamDU Kattaqo’rg’on filiali professor-o‘qituvchilari, imom xatib, ijodkorlar, madaniyat xodimlari ishtirok etdi.

Jarayonda so’zga chiqqanlar yurtimizda amalga oshirilayotgan islohotlar haqida fuqarolarning xabardorligini oshirish, insonlardagi ijtimoiy mas’uliyatni kuchaytirish, vatanparvarlik, bunyodkorlikka chorlash hamda aholining ruhiyatini ko‘tarish borasida qilinishi zarur bo‘lgan ishlar  to‘g‘risida tushunchalar berildi.

Ayniqsa, tadbida O’zbekiston Yozuvchilar uyshmasi a’zosi, shoira Fazilat Abdullayevaning Vatanni madh etuvchi she’rlari  yig‘ilganlarni o‘ziga jalb qildi. Dillarda yurtga bo‘lgan faxr va iftixor tuyg‘usi jo‘sh urdi.

Tantanali o‘tgan tadbir dillarga huzur bag‘ishladi. Ona Vatanga mehr, osoyishta yurtimizni asrab-avaylashga, ajdodlar yodi bilan faxrlanishga undadi.

Ijro etilgan she’rlar va kuy-qo‘shiqlarni tadbir ishtirokchilari iliq qarshi oldilar.