Samarqand davlat universitetining Kattaqo‘rg‘on filialida Oliy ta’lim, fan va innovatsiyalar vazirining 2024-yil 24-oktabrdagi “O‘zbekiston Respublikasi Prezidentining “Buyuk qomusiy olim va mashhur davlat arbobi Mirzo Ulug‘bek tavalludining 630-yilligini keng nishonlash to‘g‘risida” 2024-yil 12-sentabrdagi PQ-323-son qarorida belgilangan “Mirzo Ulug‘bek hayoti va ilmiy-ma’rifiy merosini o‘rganishga bag‘ishlangan eng yaxshi ilmiy maqolalar” tanlovini o‘tkazish to‘g‘risida”gi 393-son buyrug‘i ijrosini ta’minlash maqsadida filial talabalari bilan 2024 yil 1 noyabr kuni targ‘ibot yig‘ilishi bo‘lib o‘tdi. Yig‘ilishda filial ilmiy tadqiqotlar, innovatsiyalar va ilmiy pedagogik kadrlar tayyorlash sektori bo‘lim boshlig‘i M.Turayev va ilmiy tadqiqot ishlari muhandisi J.Sattorov, ma’naviy-ma’rifiy ishlar bo‘lim boshlig‘i B.Eshmurodov va tyutorlar A.Jabborov hamda D.Saidovlar ishtirok etishdi.
M.Turayev talabalarni Samarqand davlat universitetining Kattaqo‘rg‘on filiali direktorining 2024 yil 28 oktyabrdagi filialda “Mirzo Ulug‘bek hayoti va ilmiy-ma’rifiy merosini o‘rganishga bag‘ishlangan eng yaxshi ilmiy maqolalar” tanlovini o‘tkazish to‘g‘risida”gi 127-sonli va “Konstitutsiya – erkin va farovon hayot garovi” mavzusida ilmiy maqolalar tanlovini tashkil etish to‘g‘risidagi 130-son buyruqlari bilan ishtirokchi talabalarni tanishtirib o‘tdi. Ilmiy tadqiqot ishlari muhandisi J.Sattorov tanlovlar nizomlari, mavzuga bag‘ishlangan ilmiy maqolalarni rasmiylashtirishga qo‘yilgan talablar, baholash mezonlari hamda tanlov o‘tkazilishi muddatlari to‘g‘risida ma’lumot berdi.