fbpx
Xabaringiz bor, “Ta’lim sifati va samaradorligi oyligi” doirasida professor-o’qituvchilar “Eng yaxshi ochiq dars”, “Eng yaxshi vedio kontent”, “Eng yaxshi taqdimot” nominatsiyalari bo’yicha taqdirlanishi haqida ma’lum qilingan edi. Shu bois, SamDU Kattaqo’rg’on filialida davom etayotgan “Ta’lim sifati va samaradorligi oyligi” doirasida seminar-treninglar, namunali ochiq darslar o’tkazilib, o’zaro malaka va tajriba almashish bo’yicha vazifalarga alohida e’tibor qaratilmoqda. Aniq va tabiiy fanlar fakulteti “Raqamli texnologiyalar va iqtisodiyot”  kafedrasi o’qituvchisi Laziz Kuldoshev BI 22-03. guruh talabalariga “Pul bozori statistikasi” mavzusi  ostida  ochiq dars tashkil qildi. Ochiq dars xotira mashqi , keys stadi, pazl metodlari va savol javob ko’rinishida olib borildi. Noan’anaviy tarzda tashkil etilgan dars interfaol metodlarga, xilma-xil o‘yinlarga, savol-javoblarga boy o’tdi.   Ochiq dars komissiya a’zolari O’quv ishlari bo’yicha direktor o’rinbosari S.Elmonov, Ta’lim sifatini nazorat qilish bo’limi boshlig’i V.Axrorov, O’quv-uslubiy bo’limi boshlig’i I.Madatov, fakultet dekanlari A.Sobirov hamda S.Rajabov tomonidan kuzatib, belgilangan talablar asosida baholandi.