Talabalarning malakaviy amaliyot jarayonlari yaqindan o’rganildi

Xabaringiz bor, Samarqand davlat universitetining Kattaqo’rg’on filiali Pedagogika va tilarni o’qitish fakulteti Xorijiy til va adabiyoti: ingliz tili yo’nalishi talabalari uzluksiz amaliy ta’lim ( 4+2 ) dasturi bo’yicha Kattaqo’rg’on shahridagi umumta’lim maktablariga amaiyot o’tish uchun yuborilgan edi.

Amaliyotchi talabalar fakultet professor-o’qituvchilari hamda fakultet tyutorlari tomonidan nazoratga olingan. Tashkil etilgan amaliyotning dastlabki kunlaridanoq, talabalar ingliz tili dars mashg’ulotlari haqida tushunchalar olishdi va fan o’qituvchilari yuritadigan meyoriy-huquqiy hujjatlar to’g’risida tushunchalarga ega bo’lishdi.

Kuni kecha fakultet tyutorlari maktablarga tashrifi chog’ida malakaviy amaliyot o’tayotgan talabalar bilan suhbatlar olib borildi. Talabalarning uzluksiz malakaviy amaliyotni qay darajada o’tayotganini o’rganib chiqishdi.

Ushbu jarayonda mavjud kamchiliklar va umumta’lim maktablari rahbariyati takliflari ko’rib chiqildi. Talabalarga amaliyotga o’z vaqtida kelib, malaka amaliyoti dasturida nazarda tutilgan topshiriqlarni bajarishi hamda maktabning  ichki tartib-qoidalariga amal qilishlari lozimligi tushuntirib o’tildi. 

Amaliyot jarayonida kelib chiqayotgan muammolar joyida hal qilinib tegishli tavsiyalar berildi.

SamDUKF Axborot xizmati