fbpx

Innovatsion hududlar kesimida hududning muammolari yechimiga qaratilgan startap loyihalar ochiq tanlovi

O‘zbekiston Respublikasi Prezidentining 2022-yil 6-iyuldagi “2022-2026-yillarda O‘zbekiston Respublikasining innovatsion rivojlanish strategiyasini tasdiqlash to‘g‘risida” PF-165-son Farmoniga muvofiq Qoraqalpog‘iston Respublikasi, viloyatlar va Toshkent shahrida innovatsion hududga aylantirilayotgan tuman (shahar)larda ko‘zda tutilgan vazifalarni amalga oshirish maqsadida startap loyihalar tanlovini (keyingi o‘rinlarda – Tanlov) quyidagi innovatsion hududlar kesimida e’lon qiladi.

Qoraqalpog‘iston Respublikasi, viloyatlar va Toshkent shahrida innovatsion hududga aylantirilayotgan tuman (shahar)lar

Qoraqalpog‘iston Respublikasi, viloyatlar va Toshkent shahrida innovatsion hududga aylantirilayotgan tuman (shahar)lar
RO‘YXATI

HududlarTuman (shahar)larShahar va tumanlarning ixtisoslashuvi, “o‘sish nuqtalari” va “drayver” sohalari

1.

Qoraqalpog‘iston Respublikasi
Nukus tumani
Issiqxonalar tashkil qilish, meva-sabzavotchilik va baliqchilikni rivojlantirish
Mo‘ynoq tumaniBaliqchilik, chorvachilik, turizmni rivojlantirish va artemiyani qayta ishlash
2.Andijon viloyatiMarhamat tumaniElektrotexnika, junni qayta ishlash va qurilish materiallari sanoati, quyonchilik sohalarini rivojlantirish
Buloqboshi tumaniQurilish materiallari sanoati, meva-sabzavotni qayta ishlash va asalarichilik sohalarini rivojlantirish
3.Buxoro viloyatiRomitan tumaniIssiqxona va to‘qimachilik sanoati sohalarini rivojlantirish
G‘ijduvon tumaniQurilish materiallari sanoati va oziq-ovqat sanoatini rivojlantirish
4.Jizzax viloyatiDo‘stlik tumaniYengil sanoat, oziq-ovqat sanoati, xizmat ko‘rsatish
Paxtakor tumaniYengil sanoat, xizmat ko‘rsatish
5.Qashqadaryo viloyatiNishon tumaniChorvachilik, to‘qimachilik, baliqchilik klasterlarini tashkil etish
Qarshi tumaniIssiqxona xo‘jaligi, sabzavotchilik, to‘qimachilik sohalarini rivojlantirish
6.Navoiy viloyatiKarmana tumaniElektrotexnika, mashinasozlik, avtomobil-sozlik va mebel, qurilish materiallari ishlab chiqarish sanoati, baliqchilik, parrandachilik, issiqxonalar, xizmat ko‘rsatish
Qiziltepa tumaniTikuvchilik va to‘qimachilik, qurilish materiallari, sut va go‘shtni qayta ishlash, oziq-ovqat sanoati, baliqchilik, parrandachilik, pillachilik, bog‘dorchilik va xizmat ko‘rsatish
7.Namangan viloyatiChust tumaniTo‘qimachilik, qurilish materiallari sanoati, hunarmandchilik, turizm sohalarini rivojlantirish
Davlatobod tumaniKichik sanoat zonalari, to‘qimachilik sanoati va tibbiy xizmat ko‘rsatishni rivojlantirish
8.Samarqand viloyatiUrgut tumaniTo‘qimachilik, charm-poyabzal va elektrotexnika sanoatlarini rivojlantirish
Nurobod tumaniQurilish materiallari ishlab chiqarish, intensiv usulda bog‘dorchilik, meva-sabzavotchilikni hamda sanatoriya-davolash xizmatlarini rivojlantirish
9.Sirdaryo viloyatiSirdaryo tumaniFarmatsevtika va kimyo sanoati, savdo logistika, chorvachilik, sholichilik
Boyovut tumaniYengil sanoat, qurilish materiallari ishlab chiqarish, chorvachilik, issiqxona xo‘jaligi, sholichilik
10.Surxondaryo viloyatiOltinsoy tumaniOziq-ovqat sanoati, uzumchilik va turizmni rivojlantirish
Termiz tumaniYengil sanoat, issiqxonachilik, turizm va baliqchilikni rivojlantirish
11.Toshkent viloyatiOhangaron tumaniChorvachilik klasteri, turizm, yo‘l bo‘yi infratuzilmasini rivojlantirish xizmati, qurilish materiallari ishlab chiqarish sanoati
Chirchiq shahriKimyo, to‘qimachilik, elektrotexnika, oziq-ovqat, charm-poyabzal, mashinasozlik, qurilish materiallari ishlab chiqarish sanoati va xizmat ko‘rsatish
12.Farg‘ona viloyatiOltiariq tumaniYengil sanoat mahsulotlari ishlab chiqarish, uzumchilik, tibbiy turizmni rivojlantirish
Buvayda tumaniMebel ishlab chiqarish, temirchilik va sholichilikni rivojlantirish
13.Xorazm viloyatiGurlan tumaniYengil sanoat, sholichilik, issiqxona xo‘jaligi
Urganch tumaniQurilish materiallari ishlab chiqarish, oziq-ovqat sanoati, yengil sanoat, bog‘dorchilik
14.Toshkent shahriOlmazor tumaniTibbiyot, ta’lim va umumiy ovqatlanish xizmatlari, oziq-ovqat va farmatsevtika hamda qurilish materiallari ishlab chiqarish sanoatini rivojlantirish
Mirzo Ulug‘bek tumaniMoliyaviy va aloqa va axborotlashtirish xizmatlari, elektrotexnika va oziq-ovqat sanoatini rivojlantirish

Mazkur tanlov O‘zbekiston Respublikasi Vazirlar Mahkamasining 2020-yil 9-martdagi “Ilmiy-tadqiqot va innovatsion faoliyatni rivojlantirishning normativ-huquqiy bazasini yanada takomillashtirish chora-tadbirlari to‘g‘risida” 133-son qarori bilan tasdiqlangan “Startap” loyihalarni tasdiqlash, moliyalashtirish va amalga oshirish tartibi to‘g‘risida” nizomda belgilangan talablarga muvofiq o‘tkaziladi.

Startap loyihalarni qabul qilishda quyiladigan shartlar:

  1. Startap loyiha tashabbuskori (korxona) – startap loyihani amalga oshirishda agentlikdan so‘ralgan mablag‘ning eng kamida 30% miqdorida o‘z hisobidan mablag‘ kiritishi;
  2. Startap loyihani shakllantirishda hududning drayver sohasi doirasida shakllantirilganligi;
  3. Qoraqalpog‘iston Respublikasi, viloyatlar va Toshkent shahrida innovatsion hududga aylantirilayotgan tuman (shahar)lar hokimining innovatsion rivojlanish masalalari bo‘yicha o‘rinbosarining tavsiyanomasining mavjudligi;
  4. Tanlovda faqat keltirilgan innovatsion hududlardagi innovatsion faoliyat subyektlari ishtirok etishi;
  5. 1 ta ishtirokchi 1 ta loyiha bilan ishtirok etishi;
  6. Startap loyihalar asosida maket va (yoki) prototip, dasturiy mahsulot, xizmatlar va ijtimoiy mahsulotlar yaratishning eng ko‘p muddati 1 yildan oshmasligi lozim.
Startap loyihalar tanlovini o‘tkazish shartlari:
  • Startap loyihani amalga oshirish uchun agentlik tomonidan har bir innovatsion hudud uchun 2 mlrd so‘mgacha miqdorida mablag‘ ajratiladi.
  • Tanlovda ishlab chiqarish va xizmat ko‘rsatishga yo‘naltirilgan keng ko‘lamdagi biznes-loyihalarni yaratish va amalga oshirishga qaratilgan arizalar qabul qilinadi. Ular innovatsiyalar va texnologiyalarga asoslanishi shart.
  • Arizalarni yuridik va jismoniy (kafolat xati na’muna shakli) shaxslar taqdim etishi mumkin.
Loyihani amalga oshirishda quyidagi omillarni inobatga olish tavsiya etiladi:
  • Atrof-muhitga zarar yetkazmaydigan va ekologik toza texnologiyalar;
  • Qayta tiklanuvchi energiya manbaalaridan foydalanish;
  • Yashil texnologiyalarga asoslanganlik;
  • Inson salomatligiga zarar yetkazmaslik;
  • Umuminsoniy va milliy qadriyatlarga mos kelish;
  • Texnologiyalarning barqaror rivojlanish omillariga mos kelishi.
Loyihaga baho berishda quyidagilar hisobga olinadi:
  • Loyihaning innovatsionligi – respublikada avval qo‘llanilmagan yangi texnologiyalar  va (yoki) jarayonni tashkillashtirish tamoyillaridan foydalanish darajasi, bunda loyiha respublikada avval ishlab chiqarilmagan yangi mahsulot (intellektual mulk obyekti mavjud bo‘lganda) ishlab chiqarish, yangi xizmat yaratishni ko‘zda tutadi;
  • Loyihaning texnik jihatdan mukamalligi, shu jumladan yakunlanganlik darajasi;
  • Muhofaza qiluvchi hujjatlar mavjudligi – patent yoki patentga ariza va/yoki ilmiy-texnik hujjatlarning to‘liq komplekti va/yoki ko‘zda tutiladigan mahsulot (texnologiya)ning texnik reglamenti, sinov dalolatnomalari, mahsulot namunasining mavjudligi;
  • Loyihaning mutaxassislar bilan ta’minlanish, ilmiy-texnik va ishlab chiqarish imkoniyatlari – jamoaning malakali mutaxassislardan shakllantirilganligi, kerakli asbob-uskunalar va ilmiy obyektlar infratuzilmalarining mavjudligi;
  • Loyihaning investitsion jozibadorligi bu – qo‘shimcha foyda keltirib, kiritilgan mablag‘lar tavakkalchiligini kamaytiradigan qulay investitsion va innovatsion shart-sharoitlar majmuidir. Loyihaning investitsion jozibadorligi uning mamlakat taraqqiyotining uzoq muddatli istiqbollariga muvofiqligi, loyihaning qiymati, tavakkalchiliklarning hisobga olinishi, o‘zini o‘zi qoplashi va rentabelligi bilan belgilanadi;
  • Loyihani moliyaviy rejalashtirish – Loyiha moliyaviy ta’minotining rejalashtirilayotgan ishlarga muvofiqligi va harajatlar smetasining asoslanganligidir;
  • Marketing rejasi – loyihani amalga oshirish strategiyasi, bozor hajmi, maqsadli auditoriya, aloqalar/sotuvlarning asosiy kanallari, raqobat muhiti v.b.
  • Loyihani amalga oshirishdan kutilayotgan natijalar – ajratiladigan mablag‘lardan samarali foydalanish, amalga oshiriladigan tadbirlarni bajarish sifati va muddatlari, import o‘rnini bosuvchi va eksportga yo‘naltirilgan ilmiy asos talab qiladigan mahsulot ishlab chiqarishni tashkillashtirish.
Bunda quyidagi hujjatlar asl nusxalari PDF shaklida yuborilishi lozim:
  1. Startap loyiha muallifi tomonidan imzolangan ariza (imzo va muhr qo‘yilgan holda);
  2. Startap loyiha pasporti;
  3. Xarajatlar smetasi;
  4. Startap loyiha biznes matni;
  5. Qoraqalpog‘iston Respublikasi, viloyatlar va Toshkent shahrida innovatsion hududga aylantirilayotgan tuman (shahar)lar hokimining innovatsion rivojlanish masalalari bo‘yicha o‘rinbosarining tavsiyanomasi.

O‘zbekiston Respublikasi Innovatsion rivojlanish agentligining tanlov g‘oliblari borasidagi qarori qat’iy va qayta ko‘rib chiqilmaydi!

Taqdim etilgan loyihalar tanlov talablariga qat’iy rioya qilinganligi, loyiha materiallarining ishonchliligi va haqqoniyligi, ko‘chirmachilikka (plagiat) yo‘l qo‘yilmaganligi,  talablar asosida shakllantirilganligi, shuningdek startap loyiha yakunida qo‘lga kiritiladigan muhim natijalarning tadqiqot dizayniga muvofiq to‘liq asoslanganligi va so‘ralgan mablag‘larning tanlov shartlarida keltirilgan moliyalashtirish hajmiga muvofiq to‘g‘ri hisob-kitob qilinganligi bo‘yicha dastlabki texnik ekspertizadan o‘tkaziladi.

Dastlabki texnik ekspertizadan o‘tmagan loyihalar tanlovning keyingi bosqichiga tavsiya etilmaydi!

Qo‘yidagi hollarda taqdim etilgan loyihalar tanlovda ishtirok etish uchun tavsiya etilmasligi mumkin:
  1. Taqdim etilgan startap loyihaning belgilangan innovatsion hududda amalga oshirilishi ko‘rsatilmaganligi;
  2. Startap loyihani shakllantirishda hududning drayver sohasi doirasida shakllantirilmaganligi;
  3. Startap loyiha mazmunan innovatsion hususiyatga ega emasligi;
  4. Startap loyihaning maqsad va vazifalari yoritib berilmaganligi;
  5. Startap loyihada taqdim etilgan muammoning yechimi mavjud emasligi;
  6. Taqdim etilgan loyihalar avval ushbu tanlovda g‘olib bo‘lmaganligi;
  7. Startap loyihalarni amalga oshirish uchun ajratilgan mablag‘larni binolarni rekonstruksiya qilish va ta’mirlash-qurilish ishlariga, shuningdek avtotransport vositalarini xarid qilishga sarflanganligi.

Taqdim etilgan startap loyihalardagi ma’lumotlarning haqqoniyligi va ishonchliligi hamda tanlov g‘oliblari tomonidan startap loyihalarning natijadorligi, tanlov dasturlari vazifalarida belgilangan, kutilayotgan natijalarni to‘la va o‘z vaqtida sifatli bajarilishiga startap loyiha rahbarlari, mazkur loyihani bajaruvchi tashkilot rahbarlari va tegishli yuqori turuvchi tashkilotlarning mas’ul xodimlari javobgar hisoblanadilar.

    Tanlov natijalari bo‘yicha barcha yangiliklar bilan agentlik rasmiy veb-sayti orqali tanishish mumkin.
    Startap loyihalarni elektron ro‘yxatdan o‘tkazish bilan bog‘liq texnik masalalar bo‘yicha Innovatsion rivojlanish vazirligining texnik jihatdan qo‘llab-quvvatlash xizmati: +998-71-203-32-23 (ichki raqam: 216).