Kattaqo‘rg‘on tumanida bugungi kunda 106 ta maktab bor. 2023/2024-o‘quv yili yakuniga ko‘ra ushbu maktablar bitiruvchilarining oliy ta’lim muassasalariga kirish ko‘rsatkichlariga ko‘ra, qizil, sariq va yashil toifalarga ajratildi.
Tumandagi 12 ta maktab qizil toifaga tushib qoldi va Samarqand viloyati hokimining tegishli yig‘ilish bayoniga muvofiq, ushbu maktablarda ta’lim-tarbiya jarayonlarini yuksaltirish, o‘qituvchilar hamda o‘quvchilar bilan tizimli ishlar olib borishga ko‘maklashish uchun SamDUning Kattaqo‘rg‘on filialiga biriktirildi.
Joriy yilning 19-sentabr kuni Kattaqo‘rg‘on tumani hokimligida filial direktori Sh.Urakov rahbarligidagi mas’ullar, tuman hokimligi, Maktabgacha va maktab ta’limi bo‘limi, Ichki ishlar, Milliy gvardiya rahbarlari hamda qizil toifadagi maktablarning direktorlari ishtirokida ta’lim muassasalaridagi holat muhokama qilindi.
