SamDU KF va “YANGI AVLOD” markazi memorandum imzoladi
Prezidentimiz rahbarligida joriy yilning 4-mart kuni bo’lib o’tgan videoselektor yig‘ilishida oliy ta’lim muassasalari talabalarining puxta bilim olishi, iqtidorini rivojlantirish, bandligini ta’minlash borasida ham bir qator topshiriqlar berildi.
Berilgan topshiriqlar ijrosini ta’minlash maqsadida Samarqand davlat universitetining Kattaqo‘rg‘on filiali hamda “YANGI AVLOD” o‘quv markazi o’rtasida hamkorlik memorandumi imzoladi.
SamDU Kattaqo’rg’on filiali direktori Sh.Urakov va “YANGI AVLOD” markazi direktori A. Irgashov memorandumni izchil hayotga tatbiq etish, kelgusidagi vazifalar yuzasidan fikr almashdi.
Memorandumning asosiy maqsadi filial talabalarini markazga ishga joylashtirish va mutaxassisligi bo’yicha kompetensiyalarini rivojlantirish, seminar-treninglar va ilmiy-amaliy konferensiyalar tashkil etish, talabalarni baholash mexanizmlarini ishlab chiqishdan iboratdir.