fbpx

Xabar berganimizdek, SamDU Kattaqo‘rg‘on filiali direktori Sh. Urakov hamda filialning rahbar xodimlaridan iborat ishchi guruh a’zolari Kattaqo‘rg‘on shahridagi “Navbahor”  mahallasidagi yoshlar muammolarini o‘rganish, ijtimoiy himoyaga muhtojlari holidan xabar olib, har tomonlama qo‘llab-quvvatlashga ko‘maklashishdi.

Qariyb yigirma nafardan ortiq yoshlar xonadonida bo‘lgan ishchi guruh a’zolari ularning murojaatlarini uyma-uy qabul qilishdi.

Yoshlarga zarur tavsiyalar berildi, amaliy, moddiy ko‘mak ko‘rsatildi, ota-onalari bilan muloqot qilindi, tegishli davlat idoralariga takliflar tayyorlandi.

Yakuni esa Navbahor mahallasi aholisi uchun ko‘tarinki ruhda o‘tdi. SamDU KF va Navbahor mahallasi yoshlar yetakchilari tashabbusi bilan uyushmagan yoshlar, e’tibor va g‘amxo‘rlikka muhtoj yigit-qizlar uchun ko‘ngilochar tadbir tashkil qilindi. Filial ijodkor, iqtidorli va sportchi talabalarining chiqishlari ularda unutilmas taassurot qoldirdi.