SamDU Kattaqo‘rg‘on filialida “Talabalarni ilmiy tadqiqot ishlariga jalb etishning ustuvor yo‘nalishlari” mavzusidagi seminar bo’lib o’tdi.

Seminarda fakultet dekanlari va o‘rinbosarlari, kafedra mudirlari hamda filialning professor-o‘qituvchilari ishtirok etdi.

Seminarni Ilmiy ishlar va innovatsiyalar boʻyicha direktorning birinchi o‘rinbosari M.To‘rayev kirish so‘zi bilan ochdi. 

Filial ish rejasiga binoan “Iqtidorli talabalarni” doimiy ravishda ilmiy faoliyatga yo‘naltirish, ularning ilmiy-ijodiy va ilmiy-tadqiqot sohasidagi g‘oya-fikrlarini va tashabbuslarini qo‘llab-quvvatlash masalasiga jiddiy e’tibor bilan yondoshish lozimligi haqida so’z yuritdi. 

Iqtidorli va tashabbuskor yoshlar bo‘yicha yagona ma’lumotlar bazasini shakllantirib, ularni kafedralar professor-o‘qituvchilariga biriktirib, ilmiy to‘garaklar faoliyatini samarali yo‘lga qo‘yish, professor-o‘qituvchilarning bilim va shaxsiy tajribalaridan foydalangan holda talabalarning o‘z yo‘nalishlari bo‘yicha nazariy va amaliy bilim olishini ta’minlash hamda ularni ilmiy faoliyat bilan shug‘ullanishga bo‘lgan qiziqishini oshirish kerakligini a’lohida ta’kidlab o’tdi.

Shuningdek, professor-o‘qituvchining yutuqlarini talabalar o‘rtasida targ‘ib etish, ularning boy tajribasi bilan o‘rtoqlashish, shogirdlar tayyorlash, tegishli fan yo‘nalishi bo‘yicha dolzarb ilmiy va amaliy muammolarni muhokama qilish, talabalarni maqolalar yozish va boshqa shaklda ilmiy tadqiqot ishlariga jalb etish to’g’risida atroflicha ma’lumot berdi.

Shundan so’ng Ilmiy tadqiqotlar va ilmiy-pedagogik kadrlar tayyorlash sektori bo‘lim boshlig‘i F.Sirojiddinov so’zga chiqib, talabalarni ilm-fanga jalb etish va ularni innovatsion g’oyalarini qo’llab – quvvatlash “Yoshlar akademiyasi” O‘zbekiston Respublikasi Prezidentining “Yoshlarni ilm-fan sohasiga jalb etish va ularning tashabbuslarini qo‘llab-quvvatlash tizimini takomillashtirish chora-tadbirlari to‘g‘risida” 2019-yil 30- avgustdagi PQ-4433-son qarori bilan tashkil etilganligi haqida so‘z yuritdi. 

Seminar savol- javoblar va takliflar  tariqasida bo’lib o‘tdi. “Axborot texnologiyalari” kafedrasi mudiri Z.Shukurov va “Gumanitar fanlar” kafedrasi o‘qituvchisi I.Murodovalar tomonidan amaliy, fundamental, startap loyihalar mavzusida alohida seminar tashkil etishni hamda “Maktabgacha ta’lim va pedagogika” kafedrasi o‘qituvchisi M.Burxonovalar iqtidorli talabalarni nomdor stipendiyalarga tayyorlash mavzularida suhbatlar tashkil etish to‘g‘risida o‘z takliflari bilan chiqishdi.

SamDU Kattaqo’rg’on filiali

Axborot xizmati