fbpx
Bugun, 7-dekabr kuni SamDU Kattaqo’rg’on filialida  O‘zbekiston Respublikasining Konstitutsiyasi qabul qilinganligining 31-yilligi munosabati bilan “Konstitutsiya — xalqchil davlat, barqaror taraqqiyot va farovon hayot asosi!” shiori ostida ma’naviy-ma’rifiy tadbir bo‘lib o‘tdi. Tadbir O‘zbekiston Respublikasi Madhiyasi bilan boshlandi. Tadbirni SamDU Kattaqo‘rg‘on filiali direktori Sh.Urakov ochib berdi va filial jamoasi va talabalarni bayram bilan tabriklagan  holda  Bosh Qomusimizning yurtimiz ravnaqi, mamlakatimizda istiqomat qilayotgan har bir fuqaro qonuniy manfaatlarining haqiqiy qalqoni, bugungi farovon hayotimizning dasturilamali ekanligini ta’kidladi.   Tantanali tadbirda filialda o’quv, ma’naviy-ma’rifiy hamda xo’jalik sohalarida fidoyilik bilan sidqidildan mehnat qilib kelayotgan bir guruh xodimlar, professor-o’qituvchilar, muvaffaqiyatlarga erishgan talabalar taqdirlanishdi.   Qomusimiz haqidagi qiziqarli savol-javoblar, talabalarning sahna ko’rinishlari, kuy-qo’shiqlar tadbirda barchaga ko’tarinki ruh bag’ishladi.